Цӕгат Ирыстоны минӕвӕртты сгуыхт

0
50

Ацы аз 28 сентябрӕй 2 октябрмӕ Смоленскы уыд Хӕдбар Паддзахӕдты ӕмхӕларады бӕстӕты документалон кинонывты фӕндзӕм фестивал «Еврази.DOC»

Йӕ архайджытӕ уыдысты 17 бӕстӕйӕ. Уыдон балӕвӕрдтой 157 куырдиаты. Конкурсмӕ хаст ӕрцыд 28 кинонывы, се ‘хсӕн — киноныв Цӕгат Ирыстонӕй дӕр. Фестивалы лауреаты диплом ацы хатт лӕвӕрд ӕрцыд режиссер Абайты Ольгӕйӕн. Конкурсмӕ уый балӕвӕрдта документалон киноныв «Уарзт ӕмӕ хӕхтӕ. Ног истори».

Ольгӕйӕ уӕлдай ма фестивалы Цӕгат Ирыстонӕй уыд иу минӕвар. Эксперты хуызы дзы архайдта РЦИ-Аланийы Мыхуыры ӕмӕ дзыллон коммуникациты комитеты сӕрдар Фидараты Юри. Фестивал гом кӕныны бон Цӕгат Ирыстоны Сӕргълӕууӕг Битарты Вячеславы номӕй уый арфӕ ракодта йӕ архайджытӕн.

Фӕстаг дыууӕ азы дӕргъы комитет ӕнгом куыст кӕны Белоруссийы Журналистты цӕдисимӕ. Цӕдисон информацион медиатыгъдад рапарахат кӕныны хъуыддагмӕ стыр ӕвӕрӕн кӕй хӕссы, уый тыххӕй Фидараты Юрийӕн лӕвӕрд ӕрцыд Республикӕ Беларусы сгуыхт журналисты ном. Ацы кадджын ном лӕвӕрд кӕмӕн ӕрцыд, уыдонӕй Юри у фыццаг ирон журналист.

Фестивалы сӕйраг программӕимӕ уыцы-иу рӕстӕг цыд цыбыр документалон кинонывты фӕсивӕдон конкурс «Еврази.DOC:4 минуты». Уыцы конкурсы Цӕгат Ирыстоны минӕвӕрттӕй дыууӕйӕн сӕ куыстытӕ бӕрӕггонд ӕрцыдысты сӕрмагонд призтӕй. Уыдон уыдысты Александрӕ Токаревайы киноныв «Хӕлардзинад» ӕмӕ Бокоты Викторияйы куыст «Араз хорздзинад».

Фестиваль «Евразия.DOC» ныр арӕзт ӕрцыд фӕндзӕм хатт. Фыццаг хатт уыд 2016 азы июны Смоленск ӕмӕ Минскы. Ацы аз фестивалы сӕйраг темӕ уыд Фыдыбӕстӕйы Стыр хӕсты Уӕлахизы 75 азы юбилей.

ОСТАВЬТЕ ОТВЕТ

Please enter your comment!
Please enter your name here