Арфӕтӕ — Владимир Уваровӕн

0
16

Евгений Вахтанговы номыл Уырыссаг академион театры цы дзыллон ӕмбырд уыд, уым кад кодтой Уӕрӕсейы Федераци ӕмӕ Республикӕ Цӕгат Ирыстон-Аланийы адӕмон артист, Хетӕгкаты Къостайы номыл паддзахадон премийы лауреат, театры аивады разамонӕг Владимир Уваровӕн.

Цӕгат Ирыстоны аивады зындгонд архайӕг Владимир Уваровыл сӕххӕст 70 азы. Юбилярӕн йӕ бӕрӕгбоны тыххӕй арфӕ ракодта РЦИ-Аланийы Сӕргълӕууӕг Битарты Вячеслав.

Кадджын изӕры агъоммӕ Битарты Вячеслав ӕмӕ фембӕлды архайӕг иннӕ адӕм базонгӕ сты Владимир Уваровы цард ӕмӕ сфӕлдыстадон архайдимӕ баст къамты равдыстимӕ.

Юбилярӕн арфӕ кӕнгӕйӕ, Цӕгат Ирыстоны Сӕргълӕууӕг куыд фӕнысан кодта, афтӕмӕй артист стыр ӕвӕрӕн хӕссы республикӕйы культурӕйы райрӕзтмӕ.

— Алкӕцы коллективы ӕнтыстджын размӕцыд бирӕ аразгӕ у йӕ разамонӕгӕй. Нӕ абоны юбилярӕн ӕппӕты зындӕр рӕстӕджыты дӕр йӕ къухы ӕфтыд сфӕлдыстадон коллектив бахъахъхъӕнын, стӕй театр дарддӕры рӕзты фӕндагыл сӕвӕрын. Уыцы ӕнтыстджын архайдӕн сӕйрагдӕр ӕвдисӕн у, алы изӕр дӕр театры зал аивадуарзджытӕй йедзаг кӕй вӕййы, уый. Ӕмӕ уый, ӕнӕмӕнг, нӕ юбиляры зӕрдиаг архайды фӕрцы, — фӕнысан кодта Битарты Вячеслав.

Уыцы бон Евгений Вахтанговы номыл театры аивадон разамонӕгӕн арфӕтӕ ракодтой РЦИ-Аланийы Парламенты Сӕрдар Алексей Мачнев, Цӕгат Ирыстоны культурӕйы министр Къубалты Эльбрус, Дзӕуджыхъӕуы муниципалон сконд ӕмӕ администрацийы разамонджытӕ Икъаты Русланбег ӕмӕ Фӕрниаты Тамерлан, республикӕйы Ветеранты советы сӕрдар Къаболаты Солтан ӕмӕ иннӕ кадджын уазджытӕ.

Уыцы изӕр юбиляры кадӕн театры сценӕйыл равдыстой Эдуардо де Филиппойы пьесӕмӕ гӕсгӕ ӕвӕрд спектакл «Сабат, хуыцаубон, къуырисӕр».

РЦИ-Аланийы Сӕргълӕууӕджы ӕмӕ Хицауады пресс-службӕ

ОСТАВЬТЕ ОТВЕТ

Please enter your comment!
Please enter your name here