“Рӕстдзинад” — 2021 азы фыццаг ӕмбисӕн

0
23

Зындгонд куыд у, афтӕмӕй 1 октябры райдыдта 2021 азы фыццаг ӕмбисӕн газеттӕ ӕмӕ журналтӕ рафыссыны кампани. Куыд иннӕ хӕттыты, афтӕ та ныр дӕр «Рӕстдзинад»-ы хӕлӕрттӕ рафысдзысты сӕ уарзон газет.

Нӕ цард куыд “зынаргъдӕр” кӕны, афтӕ рӕстӕгӕй-рӕстӕгмӕ бафты газеттӕ ӕмӕ журналтӕ рафыссыны аргъыл дӕр. Афтӕ уыдзӕн ныр дӕр. “Уӕрӕсейы пост”-ы республикон управлени куыд фехъусын кодта, афтӕмӕй фидӕн азы фыццаг ӕмбисӕн “Рӕстдзинад” рафыссыны аргъ у 1027 сомы ӕмӕ 14 капеччы. Уыимӕ, адӕмы льготон къордты минӕвӕрттӕн газет рафыссӕн ис асламдӕрӕй, ома, 843 сомы ӕмӕ 72 капеккӕй.

Нӕ зынаргъ газеткӕсджытӕ, уӕ хорзӕхӕй, ногӕй та ӕрбалӕуут «Рӕстдзинад»-ы фарсмӕ ӕмӕ йӕ рафыссут!

Махӕй цы аразгӕ уа, ууыл дӕр зӕрдиагӕй архайдзыстӕм ӕмӕ кусдзыстӕм, цӕмӕй газеты мыхуыргонд ӕрмӕджытӕ уой мидисджындӕр, зӕрдӕмӕдзӕугӕдӕр, цӕмӕй газеткӕсджыты фиппаинӕгтӕ ӕмӕ фӕндӕттӕн уӕрӕхдӕр фӕндаг уа газеты фӕрстӕм.

Нӕ зӕрдӕ дарӕм, ног азы нӕ бастдзинӕдтӕ ӕнгомдӕр кӕй уыдзысты, ууыл.

Редакци

ОСТАВЬТЕ ОТВЕТ

Please enter your comment!
Please enter your name here