Низ бауромыны мадзӕлттӕ

0
19

Хицауады Хӕдзары уыд ног коронавирусон инфекци парахат кӕнынӕн гӕрӕнтӕ ӕвӕрыны оперативон штабы ӕмбырд. Амыдта йӕ республикӕйы Сӕргълӕууӕг Битарты Вячеслав. Архайдтой дзы Хицауады Сӕрдар Тускъаты Таймураз, иннӕ бӕрнон адӕймӕгтӕ, видеобастдзинады фӕрцы та — министртӕ ӕмӕ дзӕбӕхгӕнӕндӕтты сӕйраг дохтыртӕ.

Республикӕйы Сӕргълӕууӕг уал раздӕр байхъуыста сӕйраг дохтыртӕм, низ бауромынӕн цы мадзӕлттӕй пайда кӕнынц, уый тыххӕй. Специалистты ныхӕстӕм гӕсгӕ медицинон ӕххуыс бакӕнынӕн ӕххӕст сты хъӕугӕ фӕрӕзтӕй. Битарты Вячеславы ныхасмӕ гӕсгӕ, хъуамӕ архайой ӕрмӕст рынчынты сдзӕбӕх кӕныныл нӕ, фӕлӕ ма сӕ кусджыты низӕй бахизыныл.

«Ӕппӕт бӕстӕ ӕмӕ фӕсарӕнтыл дӕр низ парахат кӕй кӕны, уымӕ гӕсгӕ хъуамӕ уӕм къӕрцхъус йе ‘ппӕт фӕзындтытӕм дӕр. Нӕ хӕс у низӕн гӕрӕнтӕ ӕвӕрын», — загъта республикӕйы Сӕргълӕууӕг. Ӕмбырды архайджытӕ ӕрныхас кодтой сывӕллӕтты ‘хсӕн коронавирус бауромыны тыххӕй. «Роспотребнадзор»-ы разамонӕг Тыбылты Алан куыд радзырдта, афтӕмӕй каникултӕ нӕ фӕзындысты хӕцгӕнизыл. Ахуырадон организацитӕ фӕстӕмӕ сӕ куыст райдайдзысты 16 ноябры.

РЦИ-Аланийы Сӕргълӕууӕджы ӕмӕ Хицауады пресс-службӕ

ОСТАВЬТЕ ОТВЕТ

Please enter your comment!
Please enter your name here