Фиддонтӕ райстой

0
49

Фӕллойадон хӕстӕ ӕххӕстгӕнгӕйӕ, ног коронавирусон хӕцгӕнизӕй чи фӕрынчын, уыцы 1808 цӕгатирыстойнаг медицинон кусӕгӕн Уӕрӕсейы Президент Владимир Путины Указмӕ гӕсгӕ скодтой иухаттон фӕдзӕхстадон фиддонтӕ.

Уыцы нысантӕн ӕрвыст ӕрцыд 24 милуан сомӕй фылдӕр. Хӕцгӕнизӕй чи амард, уыцы ӕхсӕз дохтыры бинонтӕн фӕдзӕхстадон фиддонтӕ радтой 16 милуан сомӕй фылдӕр.

Уыдӕтты тыххӕй ног коронавирусон хӕцгӕнизӕн гӕрӕнтӕ ӕвӕрыны оперативон штабы ӕмбырды радзырдта социалон фӕдзӕхстады регионалон хайады разамонӕг Айларты Зӕлинӕ. Ӕмбырд амыдта РЦИ-Аланийы Сӕргълӕууӕг Битарты Вячеслав. Архайдтой дзы Хицауады Сӕрдар Тускъаты Таймураз, бӕрнон адӕймӕгтӕ, видеобастдзинады фӕрцы — дзӕбӕхгӕнӕндӕтты сӕйраг дохтыртӕ. Айларты Зӕлинӕ куыд бамбарын кодта, афтӕмӕй, низджынты нымӕц кӕй рӕзы, уымӕ гӕсгӕ медицинон кусджытӕн фидыны фӕтк адарддӕр кодтой.

«Ацы мӕй сын фиддзыстӕм ног фӕткмӕ гӕсгӕ. 31 медицинон организацийы райстой бар ног коронавирусон хӕцгӕнизӕй рынчынты дзӕбӕх кӕныны тыххӕй. Ныртӕккӕ 17 кусӕндоны ӕрбалӕвӕрдтой, сӕ кусджытӕ кӕй фӕрынчын сты, уый тыххӕй хъусынгӕнинаг. Фонды хайад алы дзӕбӕхгӕнӕндонимӕ алы бон дӕр кусы», — загъта Айларты Зӕлинӕ.

Битарты Вячеслав бахӕс кодта медицинон организацитӕн фондимӕ кусын, афойнадыл ӕппӕт фиддонтӕ дӕр специалисттӕм хӕццӕ кӕнын. Ӕмбырды ма байхъуыстой, сӕйраг дохтыртӕ куыд кусынц, рынчындӕтты цы уавӕр ис, хостӕ ӕмӕ хи хъахъхъӕныны фӕрӕзтӕй куыд ифтонг сты, уымӕ.

РЦИ-Аланийы Сӕргълӕууӕджы ӕмӕ Хицауады пресс-службӕ

ОСТАВЬТЕ ОТВЕТ

Please enter your comment!
Please enter your name here