Сӕлбиты Алан: «Нырыккон информацион технологитӕ — фидӕнмӕ ныфсджын къахдзӕф»

0
33

Цӕмӕй нӕ ӕхсӕнад ӕмӕадӕм рӕстӕгимӕ ӕмкъахдзӕф кӕной,цардыуаджы алыхуызы лӕггӕдтӕй сӕ бон ӕнцондӕрӕй ӕмӕ парахатдӕрӕйарахайын уа, уымӕн нырыккон информацион технологитӕ цы ахъаз сты, коронавирусы рӕстӕг нӕ республикӕйы цӕрджытӕн бастдзинады фӕрӕзтӕй куыд пайдагонд цыд,уый тыххӕй знон, Хицауады хӕдзары дзыллон хабархӕссӕг фӕрӕзты кусджытимӕ йӕфембӕлды рӕстӕг бӕстон радзырдта РЦИ-Аланийы информацион технологиты ӕмӕ бастдзинады комитеты сӕрдар Сӕлбиты Алан.

Пресс-конференцийырайдайӕны йӕамонӕг, нӕ республикӕйы Сӕргълӕууӕджы ӕмӕ Хицауады пресс-службӕйы разамонӕг Сӕбанты Фатимӕ куыд банысан кодта, афтӕмӕй ныры дуджы ӕнӕ информацион технологитӕй, нӕдӕр ӕрыгӕттӕн, астӕуккаг кары адӕмӕн ӕмӕ фӕсивӕдӕн сӕ цард ӕххӕстыл банымайӕн кӕй нӕй, уымӕ гӕсгӕ та нӕ хӕс у, Интернеты бастдзинад нӕ республикӕйы адӕмӕн сӕ цард фӕхуыздӕр кӕныны хъуыддаджы цас ахъаз у, уый тыххӕй абон бӕлвыд ӕрдзурын.

— Ӕппӕт нырыккон информацион технологитӕ нымӕцон кӕй систы, уымӕ гӕсгӕ нӕ управлени дӕр йӕ куыст ног хуызы аразы, — фембӕлды райдайӕны загъта Сӕлбиты Алан, — Коронавирусы аххосӕй адӕмӕн сӕ фылдӕр дӕрддзӕгмӕ куысты архайды хуызмӕ кӕй рахызтысты, уымӕ гӕсгӕ информацион технологитыл, бастдзинады каналтыл цы уӕз ис, уый зынгӕ фӕфылдӕр. Фӕлӕ, уый хыгъд, нӕ республикӕйы цӕрджытӕноджы хуыздӕр базыдтой информационтехнологитӕн,бастдзинады ӕндӕр фӕрӕзтӕн сӕ гӕнӕнтӕ цас уӕрӕх сты, уый.

Иннӕмӕй,ацыуавӕр нын радта фадат, цӕмӕйрабӕрӕг кӕнӕм, республикӕйы бастдзинады къабазыцы къуылымпыдзинӕдтӕ ис, уый, — загъта уый, —Ахӕм хуызы нӕ куыст ӕмбӕлгӕ уагыл кӕй рацарӕзтам, уый бафиппайдтой нӕ бӕстӕйы разамынд дӕр.

Фарон РЦИ-АланийыСӕргълӕууӕг Битарты Вячеславы бардзырдӕй, уӕрӕсейаг ӕмӕ фӕсарӕйнагинвестортӕ се‘хцанӕ республикӕмӕ ӕнӕцӕлхдурӕй ӕрвитынц. Уый фадат радта, инвестициты фӕрцы цы ӕхцайы фӕрӕзтӕ исӕм, уый рӕзтӕн. Афтӕмӕй ӕнӕ республиконбюджеты фӕрӕзтӕй,фидӕн аз нӕ республикӕйы бастдзинады рӕзтӕн лӕвӕрд ӕрцӕудзӕн 600 милуан сомы. Уымӕй уӕлдай ма нӕ республикӕйы районты оптикон бастдзинады фӕрӕзтӕй ифтонг кӕныны хъуыддаг 95 проценты ӕххӕстгонд ӕрцыд.

Нӕ республикӕйы арӕзтадон закъонмӕ ивддзинӕдтӕ хаст кӕй ӕрцыд, уыйфӕрцы Дзӕуджыхъӕуы ӕмӕ республикӕйы районты цы цӕрӕн хӕдзӕрттӕ, куыстуӕтты бӕстыхӕйттӕ арӕзт цӕуы, уым бастдзинады оператортӕ фӕрӕвдздӕр кодтой, адӕймаджы ӕнӕниздзинадӕн зиан чи нӕ хӕссы, ахӕм телефонтӕ ӕмӕ интернет-бастдзинады ӕндӕрприбортӕӕвӕрыны куыст.

Ам ма зӕгъын хъӕуы уый, ӕмӕ Уӕрӕсейы ӕмӕЦӕгат Кавказы иннӕ регионтимӕ абаргӕйӕ, нӕ республикӕйы цӕрджытӕ уӕлдай арӕхдӕр кӕйпайда кӕнынцчырӕг телефонтӕй.

Уавӕрон центр кӕй хонынц, уыцыинтернет-порталы гӕнӕнтӕ зынгӕ кӕй фӕуӕрӕхдӕр сты, уыйфӕрцы та, царды зын уавӕрты чи бахауд, уыцы адӕм исынцалывӕрсыг психологон ӕххуыс. Бирӕуӕладзыгонхӕдзӕртты цӕрджытӕ сӕхӕдӕг цыӕмбалӕдтӕ сарӕзтой, уыдоны хицӕуттӕм дӕр коммуналон лӕггӕдты хӕрзхъӕддзинады фӕдыл цӕрджытӕн у сӕ бон фарстытӕ радтын, коммуналон ӕмӕ Интернетылӕггӕдты тыххӕй ӕхца бафидын, фатерты хъармгӕнӕн агтӕ, цардыуаджы хауӕццӕгты ӕмӕ нуазыны доны хӕтӕлты нывыл куыстмӕ цӕст дарын, сӕ цалцӕг кӕныны хъуыддаг кӕмӕй аразгӕ у, уыцы службӕты специалисттӕм, куы бахъӕуа, уӕд афоныл фӕхабар кӕнын. Царды зын уавӕрты бахауӕг адӕймӕгтӕн ацыцентры ис фадатпсихологон ӕххуыс райсынӕн.

Уымӕй уӕлдай ма нӕ цӕрджыты удӕнцойдзинадӕн республикӕйы кусын райдыдта Паддзахадон лӕггӕдты портал. Йӕ фӕрцы та алы адӕймагӕн фадат ис, дӕрддзӕгмӕ бастдзинады руаджы,социалон нысаниуӕг кӕмӕн ис, уыцы куыстуӕтты разамындмӕ медицинон ӕмӕ ӕндӕр социалон ӕххуыс райсыны тыххӕй куырдиат бадӕттынӕн, сывӕллӕтты рӕвдауӕндонмӕ сабийы райсыны тыххӕй рады слӕууынӕн,нӕ республикӕйыхицауады оргӕнты разамынды ӕмӕ адӕмы ‘хсӕнбастдзинад фенгомдӕр кӕнынӕн, цы тыхстаг фарстытӕ сӕм ӕвзӕры, уыдон куыд лыггонд цӕуынц, уымӕ цӕст дарынӕн. Сӕ архайды тыххӕй бӕлвырд информаци райсынӕн. Паддзахадон лӕггӕдты портал автоматизацигонд кӕй ӕрцыд, уый руаджы ма республикӕйы цӕрджытӕ зонгӕ кӕнынц бӕрӕггӕнӕн-цӕстдарӕн органты куыстимӕ, экологон, фӕндӕнгты арӕзтады службӕты архайдимӕ. Афтӕмӕй, порталы фӕрцы цӕстдард ис, хицауады оргӕнты разамынд адӕмы раз сӕ хӕстӕ цас бӕрнондӕрӕй ӕххӕст кӕнынц, уымӕ.

Афтӕ нӕ республикӕйы алы курдиатджын спортсменӕн, ӕрыгон музыкантӕн, нывгӕнджытӕн,йе ‘нтыстдзинӕдтыл дзурӕг ӕрмӕджытӕ порталы сӕрмагонд хайы ӕвӕрд кӕй сты, уый фӕрцы нӕ бон у се ‘нтыстдзинӕдтӕм уӕлдай бӕлвырддӕрӕй хъус дарын.

Пресс-конференцийы ӕргом здӕхт ӕрцыд,ацыпортал нӕ республикӕйы амалхъомады рӕзтӕн цы пайда ӕрхӕсдзӕн, нӕ республикӕйы цӕрджыты социалон уавӕр та йӕ фӕрцы цас фӕхуыздӕр уыдзӕн, уыцы фарстытӕм. Ныридӕгӕн дзы регистрацигонд ӕрцыд 350 адӕймаджы. Уый та нысан кӕны, нӕ республикӕйы алы бинонтӕй дӕр дыккаг адӕймаг йӕ бирӕ лӕггӕдтимӕ зонгӕ кӕй у ӕмӕ сӕпайда кӕнынмӕ кӕй арӕхсы. Бацӕуӕн та йӕм ис чырӕг телефонты уӕлӕмхасӕн приборы руаджы.

— Цӕмӕй бастдзинады нырыккон фӕрӕзтӕ царды ӕмӕ ӕхсӕнады рӕзтӕн цы пайда хӕссынц, уый нӕ республикӕйыхицауады оргӕнтӕ ӕмӕ адӕм хуыздӕр бамбарой, уый тыххӕй та сӕ ахуыр кӕнын кӕй хъӕуы, уымӕ гӕсгӕ бастдзинад дарӕм Уӕрӕсейы Адӕмон хӕдзарады академийы ахуыргӕндтимӕ, Касперскийыӕмӕ Яндекс лабораторийы специалисттимӕ. Ам ма нын ахадгӕ ӕххуыс кӕнынц Цӕгат Ирыстоны паддзахадон университеты, Цӕгат Кавказы хӕххон-металлургон институты информацион технологиты факультеттӕ. Зонадонӕмӕ иртасӕн куыст дзы цы ахуыргӕндтӕ ӕмӕ аспиранттӕ кӕнынц, уыдоны хъуыдытӕ царды уадзынӕн мах ӕмбӕлгӕ фадӕттӕ кӕй аразӕм, уымӕн ӕвдисӕн ЦИПУ-йы информацион технологиты кафедрӕйы, Касперскийы ӕмӕ Яндекс лабораторитимӕ иумӕ кӕйсарӕзтам, компьютертӕ алыхуызы вирустӕй чи хъахъхъӕны, ахӕм программӕйы проект. Йӕ фӕрцы та нын фадат ис Интернеты алы адӕймаджы хи информаци ӕцӕгӕлон адӕмӕй хъахъхъӕнынӕн, — загъта Сӕлбийы-фырт.

Фӕсарӕнты ӕмӕ Уӕрӕсейы туристтӕ, цӕмӕй нӕ республикӕйы хӕххон хъӕуты хӕрвадатджынӕй сӕ фӕллад уадзой, уый тыххӕй дзы, ӕнӕмӕнг, хъӕуы, адӕймаджы ӕнӕниздзинадӕн зиан чи нӕ хӕсса, ахӕм фӕрӕзтӕ ӕмӕ антеннӕтӕ сӕвӕрын.

Пресс-конференцийы ма ныхас цыд ирон ӕвзагмӕ мультипликацион кинонывтӕ тӕлмац кӕныныл, Интернеты фӕрцынӕ республикӕйы театртӕм аивадуарзджытӕн билеттӕ ӕлхӕнынӕн фадӕттӕ аразыныл, нӕ республикӕйы дӕрддзӕгмӕ ахуырады системӕйыл ӕмӕ ӕндӕр фарстытыл.

Гасанты Валери

ОСТАВЬТЕ ОТВЕТ

Please enter your comment!
Please enter your name here