Хӕрзиуджытӕ — уӕлахиздзаутӕн

0
53

Ӕрвылаз ӕрдзхъахъхъӕныны ӕппӕтуӕрӕсеон ӕхсӕнады Цӕгат Ирыстоны республикон хайады ӕмӕ РЦИ-Аланийы ӕрдзон фӕрӕзтӕ ӕмӕ экологийы министрады хъӕппӕрисӕй дзыллон хабархӕссӕг фӕрӕзты минӕвӕртты ӕхсӕн арӕзт ӕрцӕуы экологон конкурс «Бахъахъхъӕнӕм ӕрдз», зӕгъгӕ, ахӕм нысанимӕ.

Ныр дӕр та хыгъд ӕрцыдысты журналистты ацы азы сфӕлдыстадон куыстыты бӕрӕггӕнӕнтӕ ӕмӕ ӕхсӕнады конференц-залмӕ чи ӕрӕмбырд, конкурсы уыцы уӕлахиздзаутӕн арфӕ ракодта ӕрдзхъахъхъӕныны ӕппӕтуӕрӕсеон ӕхсӕнады республикон организацийы сӕрдары фыццаг хӕдивӕг Гӕзаццаты Алевтинӕ, республикӕйы ӕрдзы алӕмӕты рӕсугъддзинад бахъахъхъӕныны тыххӕй мидисджын ӕрмӕджытӕ кӕй бацӕттӕ кодтой, уый тыххӕй.

Ныр та РЦИ-Аланийы ахуырад ӕмӕ наукӕйы министры хӕдивӕг Алыккаты Алан ӕмӕ ӕрдзон фӕрӕзтӕ ӕмӕ экологийы министры хӕдивӕг Дойаты Хъазыбег хӕрзиуджытӕ лӕвӕрдтой конкурсы уӕлахиздзаутӕн.

Дзыллон хабархӕссӕг фӕрӕзты номинаци хуыздӕр мыхуырон ӕрмӕджыты тыххӕй дыккаг бынат бацахстой газет «Рӕстдзинад»-ы хистӕр уацхӕссӕг Тохсырты Къоста ӕмӕ ацы газеты ӕхсӕнадон уацхӕссӕг Сабеты Аламбег.

Дзыллон хабархӕссӕг фӕрӕзты номинаци хуыздӕр мыхуырон ӕрмӕджыты тыххӕй фыццаг бынат лӕвӕрд ӕрцыд газет «Северная Осетия»-йы сӕрмагонд уацхӕссӕг Суанты Сергей ӕмӕ ӕхсӕнадон уацхӕссӕг Дзодзиаты-Дзыныхты Аленӕйӕн.

Номинаци хуыздӕр телевизион ралӕвӕрд экологийы тыххӕй конкурсы жюри фыццаг бынат саккаг кодта Паддзахадон телевизион компани «Алани»-йы сфӕлдыстадон кусӕг Юлия Филатовайӕн.

Номинаци районы хуыздӕр газеты тыххӕй ӕртыккаг бынат бацахста Кировы районы газет «Размӕ».

Къостанты Темыр

ОСТАВЬТЕ ОТВЕТ

Please enter your comment!
Please enter your name here