«Мах дуг» мыхуыр кӕны

0
13

Мыхуырӕй рацыд журнал «Мах дуг»-ы иуӕндӕсӕм номыр. Уый ӕнӕхъӕнӕй дӕр цӕттӕгонд ӕрцыд Ирон театры 85 азы юбилеймӕ.

Журнал байгом РЦИ-Аланийы Сӕргълӕууӕг Битарты Вячеславы арфӕйы ныхасӕй: «Зынаргъ ӕмбӕлттӕ! 85 азы размӕ, 10 ноябры йӕ дуӕрттӕ фыццаг хатт байгом кодта Цӕгат Ирыстоны паддзахадон академион ирон театр. Уыцы хабар сси нӕ культурӕйы стыр бӕрӕгбон, уымӕн ӕмӕ театры ахадындзинад адӕмы монон царды у тынг ахсджиаг ӕмӕ бирӕвӕрсыг».

Сӕ арфӕйы ныхӕстӕ загътой РЦИ-Аланийы Парламенты Сӕрдар Алексей Мачнев, РЦИ-Аланийы Культурӕйы министр Къубалты Эльбрус.

Зындгонд адӕймӕгты хъуыдытӕ», зӕгъгӕ, иумӕйаг сӕргонды бынмӕ театры тыххӕй сӕ хъуыдытӕ зӕгъынц: Агънаты Гӕстӕн, Бекъойты Розӕ, Ходы Камал, Черчесты Хъасболат ӕмӕ ӕндӕртӕ.

Рубрикӕ «Историйы сыфтӕ»-йы бынмӕ — Дауыраты Харитон, Хъайттаты Сергей, Цӕлыккаты Мӕирбег дзурынц ирон театры тыххӕй — «Ирон профессионалон театры райдиан», «Фарны фӕндагыл», «Фӕдонтӕ».

Рубрикӕ «Поэзи»-йы бынмӕ мыхуыргонд сты Чеджемты Ӕхсар, Плиты Хадо, Касаты Батрадз, Дауырӕ, Цӕрукъаты Алыксандр, Бекмӕрзты Афон, Хадыхъаты Фатимӕйы ӕмдзӕвгӕтӕ ирон зындгонд актертыл.

Рубрикӕ «Мысинӕгтӕ»-йы бынмӕ зындгонд актертӕ Цӕрукъаты Алыксандр, Годжыцаты Исахъ, Тӕбӕхсӕуты Бало, Уататы Бибо ӕмӕ иннӕты тыххӕй фыссынц Цӕрукъаты Азӕ, Абайты Арбилянӕ, Хӕбӕлаты Олег, Дагун Омаев ӕмӕ иннӕтӕ.

Ирон театры 85 азы юбилеймӕ Хетӕгкаты Оксанӕ интервью райста УФ-йы сгуыхт ӕмӕ РЦИ-Аланийы адӕмон артист, театры абоны разамонӕг Колыты Владиславӕй — «Кад ӕмӕ дын намыс»

«Мах дуг»-ы равдыст хъӕздыг у ирон театрыл дзурӕг къамтӕй.

Рубрикӕ «Артисттӕ худынц»-ы бынмӕ мыхуыргонд ӕрцыдысты театры актертӕ сӕхӕдӕг кӕй радзырдтой, дзыхӕй-дзыхмӕ чи ацыд, ахӕм худӕджы хабӕрттӕ.

Рубрикӕ «ӕрыгӕтты ӕрмдзӕф»-ы бынмӕ бакӕсӕн ис Къӕбысты Зӕринӕйы новеллӕ «Хъазӕн чындз».

«Ирон прозӕйы антологи»-йы — Цомартаты Изӕтбеджы цыбыр биографи ӕмӕ йӕ радзырд «Хӕхтыл мӕйы тынтӕ уарыд».

Ацы номыры ма бакӕсӕн ис ӕндӕр ӕрмӕджытӕ дӕр.

Абайты Эдуард

ОСТАВЬТЕ ОТВЕТ

Please enter your comment!
Please enter your name here