Джеоргуыбайы къуыри кæдмæ цæуы?

0
1038

Ралæууыд та джеоргуыбайы мæй æмæ кæд афæдзы райдайæны ирон къæлиндар ныммы-хуыр кодтам, уæддæр та нæ нæ газеткæсджытæ фæрсынц: «Джеоргуыбайы Уастырджимæ кувæн къуыри кæдмæ цæуы?» Дзуапп сын дæттæм. Æрвылаз дæр ноябры— джеоргуыбайы мæйы æртыккаг хуыцаубоны вæййы галæргæвдæн хуыцаубон. Уæд бæрæгбоныл фыццагдæр бацин кæнынц, сыхгай галтæ чи фергæвды, уыдон. Фæлæ йæ кувæн къуыри райдайы къуырисæры изæрæй. Уымæй йе’рвитæн æхсæв дæр хъуамæ уа ноябры. Бæрæгбон декабрмæ нæ хизы.

Уастырджимæ кувæн къуыри ацы аз уыдзæн ноябры 16-23 бонты.
15 ноябры— Галæргæвдæн хуыцаубон.
16 ноябры къуырисæры куы баизæр уа, уæд Уастырджимæ кувæн æхсæв— дыццæджы æхсæв, Дыццæг та къуырийы бонтæй у Уастырджийы бон. Æхсæвы йæм алчидæр скувы йæ хæдзары бæгæныйæ, æртæ хæбизджыны кæнæ æртæ æртæдзыхонæй æмæ йæ кусартæй физонæгæй кæнæ стуры æртæ фæрскæй. Хъæуты фадат кæмæн ис, уый сæ ахæссы йæ кувæндонмæ. Æмæ йын сæ уым кувæг лæг куы скувы, уæд дзы фæстæмæ æрхæссы фæдзæхсæн— нозтæй, хойраг æмæ фыдызгъæлæй дæр. 16-22 бонтæ сты Уастырджимæ кувæн къуырийы бонтæ— хæдзармæ хонæн æмæ иумæйаг куывдтæ кæ-нæн бонтæ. 22 ноябры, Хуыцаубоны— Уастырджийыл хи фæ-дзæхсæн бон. 23 ноябры— къуырисæры изæрæй— къуырийы бон-тæй Уастырджийы бон— дыццæджы æхсæвы— Уас-тырджийы Стыр Хуыцауы размæ æрвитæн æхсæв. Бæрæгбоны къуыри фæстæдæр куы ахæссæм, уæд йе’рвитæн æхсæв цæуы1 декабры— дыццæджы æхсæвмæ. Бæрæгбон та декабрмæ никуы хизы, стæй уы-цы къуырийы цыппæрæмæй Цыппурсмæ40 боны нал уыдзæн. Æрвылаз дæр ыл æнæниз æмæ зæрдæрайæ æмбæ-лут, хорз адæм!

ЦГЪОЙТЫ Хазби

ОСТАВЬТЕ ОТВЕТ

Please enter your comment!
Please enter your name here