Ног азы арфæтæ. Битарты Вячеслав

0
698

Зынаргъ æмбæлттæ!

Æгас Уæрæсейæн дæр, Цæгат Ирыстонæн дæр, алкæмæн дæр нæ 2015 аз вазыгджын рауад. Фæлæ уæддæр кæрæдзи фарсмæ кæй уыдыстæм, нæ ныхас кæрæдзимæ кæй хъуыстис, уый фæрцы нæ фæцудыдтам. Нæ къухы бафтыд иуæй-иу риссагдæр фарстатæ алыг кæнын. Не ‘ппæтæн дæр ахсджиаг сты удварны хæзнатæ, кæрæдзиимæ хæларæй цæрын, кæрæдзийæн аргъ кæнын, уыдоныл æнцайгæйæ бирæ хъуыддæгтæ ис саразæн.

Кæд финансон зындзинæдтæ æвзарæм, уæддæр хицаудзинад социалон зæрдæдарæнтæ, йæ хæстæ æххæст кæны. Аразæм цæрæнуæттæ, рæвдауæндæттæ, фæндæгтæ, скъолатæ, рынчындæттæ.

Æцæгдæр, зæронд аз хуымæтæг схонæн нæй, фæлæ царды цин æмæ хъыг фæрсæй-фæрстæм цæуынц. Нæ бон бацис, фылдæр бæрнондзинад æмæ тыхтæ ратгæйæ, адæмæн ахсджиагдæр хъуыддæгтыл бакусын.

Мæн уырны, фидæн азы домæнтыл кæй аххæсдзыстæм, уый. Бацархайын нæ хъæуы, цæмæй экономикон æмæ финансон къуырцдзæвæны фæстиуджытæ аиуварс кæнæм, республикæйы социалон-экономикон рæзт банывыл кæнæм, уый тыххæй.

Ног азы бæрæгбæттæ уарзон адæмы, бинонты ‘хсæн арвитынæй хуыздæр ницы ис, æмæ та уыл ацы аз дæр амонд æмæ цинимæ æрцæуæд. Æнæниздзинад, сабырдзинад, фарн æмæ уарзондзинадæй дзаг уæнт уæ къонатæ!

Ног азы хорзæх уæ уæд!

Битарты Вячеслав,

РЦИ-Аланийы Хицауады Сæрдар

ОСТАВЬТЕ ОТВЕТ

Please enter your comment!
Please enter your name here