Ног проект — ног фæндæттæ

0
652

Иумæйаг уæрæсеон организаци «Деловая Россия»-йы хъæппæрисæй арæзт æрцыд, ног проект «Уæрæсейаг амалхъомад». Проекты нысан у, æрыгон фæлтæры æргом амалхъомад æмæ йæ райрæзтмæ аздахын. Фыццаг мадзал ацыд фарон. Ныр дыккаг хатт æппæтуæрæсеон Цæгат Ирыстоны регионалон олимпиадæйы студенттæ æмæ аспиранттæ ерысы бацыдысты, уæрæсейаг амалхъомады истори хуыздæр чи зоны, уый рабæрæг кæныныл.

Мадзал аразæг, «Деловая Россия»-йы цæгатирыстойнаг хайады сæргълæууæг Баскаты Тимур куыд радзырдта, афтæмæй сæ хæс у, фидæны амалхъомады куыстимæ йæ дæсныйад æмæ архайд чи сбæтдзæн, уыцы фæсивæдæн æххуыс кæнын. Уый загъта: — Цæмæй æрыгон лæппутæ æмæ чызджытæ æнтыстджын къахдзæфтæ кæной сæ равзæрст амалхъомады фæндагыл, уый тыххæй сæ зонын хъæуы йæ истори дæр. Уæрæсейы империйы историйы та ирдæй сæ нæмттæ фыст æрцыдысты алы рæстæджыты меценаттæ æмæ амалхъом адæймæгтæн. Уыдон сæ фæллойы хай хастой нæ бæстæйы рæзтмæ, фабриктæ æмæ заводты арæзтæдтæм, культурæ, наукæйы, промышленность æмæ хъæууон хæдзарады фарстатæм. Цæгат Кавказы рæзты та активонæй архайдтой фæсарæйнаг меценаттæ. Олимпиадæ ныр дыккаг хатт æвзардзæн, амалхъомады истори бæлвырд чи зоны, уыцы æрыгон студентты. Уæлахиздзау та дарддæр архайдзæн Æппæтуæрæсеон олимпиадæйы. Конкурс цæудзæн къуыри. Уыцы рæстæг мадзалы архайæг фæсивæдæн фадат ис сæ зонындзинæдтæ бæлвырдæй равдисынæн. Олимпиадæйы Цæгатирыстойнаг къæпхæны архайынц нæ республикæйы æппæт институтты раззагдæр студенттæ.

САУТÆТЫ Тамилæ

ОСТАВЬТЕ ОТВЕТ

Please enter your comment!
Please enter your name here