Тускъаты Таймуразы фембæлдтытæ Мæскуыйы

0
710

Амæй размæ РЦИ-Аланийы Сæргълæууæджы хæстæ рæстæгмæ æххæстгæнæг Битарты Вячеслав Мæскуыйы кусæг балцы уæвгæйæ цы фарстатыл дзырдта бæстæйы Хицауадимæ, уыдон царды рауадзыны фæдыл. Мæскуыйы кусæг балцы уыдис РЦИ-Аланийы Хицауады сæрдары хæстæ рæстæгмæ æххæстгæнæг Тускъаты Таймураз.

Тускъайы-фырт фыццаг фембæлд нæ бæстæйы спорты министры хæдивæг Павел Новиковимæ. Уыдон æрдзырдтой нæ Республикæйы спорты райрæзты фарстатыл,  уыимæ Уæрæсейы спорты министрады æрдыгæй æххуысы мадзæлтты тыххæй. Хæстæгдæр рæстæг нæ республикæйы Хицауад сараздзысты спорты райрæзты  пълан 2017-2018 азтæн.

Кæд нæ республикæйы разамынд афойнадыл бацæттæ кæной хъæугæ проэкттæ æмæ сметæтæ, уæд 2017 азы аразын райдайдзысты 3-4 мин бынаты кæм уа, ахæм спортивон-хиирхæфсæн комплекс. Уымæй уæлдай федералон министрад цæттæ у балхæнынмæ футболæй хъазæн цалдæр аразгæ фæзы æмæ рог атлетикæйы архайæн дзаумæттæ. Республикæйы районты дæр дарддæр цæудзæн спортивон-дзæбæхгæнæн комплексты арæзтад æмæ сæ ифтонг кæныны куыст.

Фæстæдæр Тускъаты Таймураз фембæлд Цæгат Кавказы хъуыддæгты министры хæдивæг Одес Байсултановимæ. Ныхас кодтой «Цæгат Кавказы федералон зылды 2025 азы онг рæзты программæ»-йы фарстатыл. Баныхас кодтой, цæмæй «Тар низы ныхмæ тохгæнæг ног диспансеры арæзтад» хаст æрцæуа федералон программæмæ.

Компании «ЭТМ ГРУПП»-ы разамонæг  Олег Приймакимæ фембæлды рæстæг Тускъаты Таймураз æрныхас кодта хъæбæр цардуагон хауæццæгты куыстад нæ Республикæйы сног кæныныл.

Касаты Аслæнбег

ОСТАВЬТЕ ОТВЕТ

Please enter your comment!
Please enter your name here