Уæлахизы кадæн

0
684

Фыдыбæстæйы Стыр хæсты Уæлахизы 71 азы агъоммæ Дзæуджыхъæуы Сывæллæтты сфæлдыстады республикон галуаны арæзт бæрæгбоны архайджытæ бахыгътой патриотон акци «Ради жизни на Земле»-йы бæрæггæнæнтæ.

Æмбырды архайджытæн арфæ ракодта Цæгат Ирыстоны ахуырад æмæ наукæйы министры хæдивæг Тотраты Владислав. Уый загъта:

— Конкурсы æвзонг архайджытæ хæсты уæлахизхæссæг ветерантæн бузныг зæгъынц. Фæлтæрты иудзинад республикæйы рæзгæ сабитæм æвзæрын кæны, нæ бæстæйы историмæ бар кæй дарынц, йæ фидæныл бæрнон кæй сты, ахæм æнкъарæнтæ .

Афæдзы дæргъы конкурсы фæлгæты байгом сты Фæллойадон æмæ Хæстон Намысы æртæ уаты, дæс Хъæбатыры нæмттæ та радтой уынгтæ æмæ иумæйаг — ахуырадон скъолатæн. Арæзт æрцыдысты æмбырдтæ, бæрæгбæттæ, хæсты архайджытимæ фембæлдтытæ æмæ ерыстæ.

Уæрæсейы æмæ Демократон Республикæ Сирийы территорийыл службæ чи кæны, акци  «Письмо солдату»-йы фæлгæтты ахæм æфсæддонтæм арвыстæуыд 500 фыстæгæй фылдæр. Ирыстоны территорийыл арæзт æрцыдысты тематикон экскурситæ. Акци «Память, которой не будет конца»-йы 30 уæлахиздзау лæппуйы æмæ чызджы туристон балцы уыдысты горæт-хъæбатыр Мæскуыйы, Горæтгæрон районы Сывæллæтты сфæлдыстады хæдзар кæй бацæттæ кодта, уыцы æмном чиныджы та ныхас цæуы хæсты 250 архайæджы хъысмæтыл.

Афæдзмæ акцийы архайдтой 50 мин адæймаджы бæрц.

 

ОСТАВЬТЕ ОТВЕТ

Please enter your comment!
Please enter your name here