Кусæг фембæлд . Уавæрмæ – бæстон цæстдард

0
443

Знон Цæгат Ирыстоны Сæргълæууæджы хæстæ рæстæгмæ æххæстгæнæг Битарты Вячеслав фембæлд РЦИ-Аланийы Ветеринарийы управленийы разамындимæ.

Фембæлды архайджытæ æрныхас кодтой фос алыхуызон тæссаг низтæй бахъахъхъæныны фарстайыл.

Управленийы хицау Николай Еремеевы ныхасмæ гæсгæ, республикæйы эпизоотикон уавæр у нывыл. Кæм хъуыд, уыцы районты фосæн вакцинаци скодтой, афойнадыл æххæстгонд цæуынц диагностикон мадзæлттæ дæр. Хъæугæ хостæ æлхæныны хъуыддаджы дæр къуылымпытæ нæй.

Битарты Вячеслав Ветеринарийы управленийæн бахæс кодта, цæмæй уавæрмæ цæстдард лæмæгъдæр ма кæна, стæй цавæр фæнды низтæй дæр тæссагдзинад куы фæзына, уæд уый тыххæй уайтагъддæр хъусын кæна республикæйы разамындæн. «Нæ архайды сæйрагдæр нысантæй иу у республикæйы цæрджыты æнæниздзинад хъахъхъæнын. Ууыл та комкоммæ ахады хъæууонхæдзарадон продукцийы хæрзхъæддзинад. Æппæт мадзæлттæ дæр аразын хъæуы, цæмæй хойраг уа æнаипп», — фæнысан кодта Цæгат Ирыстоны разамонæг.

РЦИ-Аланийы Сæргълæууæджы æмæ РЦИ-Аланийы Хицауады пресс-службæ

 

ОСТАВЬТЕ ОТВЕТ

Please enter your comment!
Please enter your name here