Фестивалы кæронбæттæн концерт

0
459

Аивæдты дунеон фестиваль «Уазæгуаты Гергиты Ларисæмæ» кæронмæ æрхæццæ. 4 октябры музыкæйы ацы егъау бæрæгбон кадджын уавæрты сæхгæдтой — уыцы изæр РЦИ-Аланийы Оперæ æмæ балеты театры сценæйыл уыд фестивалы гала-концерт.

Фестивалы кæронбæттæн концертмæ чи ‘рбацыд, уыцы адæмы зæрдæтæ сæ аивадæй барухс кодтой Санкт-Петербурджы Марияйы театры оперæ æмæ балеты солисттæ, стæй П.Лисицианы номыл вокалистты цыппæрæм дунеон конкурсы уæлахиздзаутæ. Дзæуджыхъæу ныр иуæндæсæм хатт суазæг кодта фестивалы архайджыты. Аивады ацы бæрæгбон ахаста иу мæйы бæрц. Уыцы æмгъуыдмæ Оперæ æмæ балеты театр бабæрæг кодтой 15 мин адæймагæй фылдæр. «Нæ хъарутæ куыд амыдтой, афтæ бацархайдтам, цæмæй фестивалы программæ уа хъæздыг æмæ цымыдисаг. Æдæппæт сарæзтам 32 мадзалы: концерттæ, спектакльты премьерæтæ, равдыстытæ, сфæлдыстадон фембæлдтытæ æмæ мастеркласстæ. Æмæ уыцы мадзæлттæй алкæцыдæр рауад зæрдæмæдзæугæ. Зæгъæм, цас æхсызгондзинад æрхаста дзæуджыхъæуккæгтæн зындгонд журналист æмæ æхсæнадон архайæг Владимир Познеримæ фембæлд. Кæнæ музыкæйы цал «стъалыйы» ссыдысты нæ фестивальмæ Голландийæ, Данийæ, Америчы Иугонд Штаттæй, Франц æмæ æндæр бæстæтæй! Залы-иу афтид бынæттæ нал баззад», — зæгъы фестивалы организатор, Оперæ æмæ балеты театры аивадон разамонæг Гергиты Ларисæ.

Нæ уацхæссæг

ОСТАВЬТЕ ОТВЕТ

Please enter your comment!
Please enter your name here