Къоста æмæ Ирыстоны бон — Пятигорскы

0
570

Цæгат Ирыстон æмæ Стъараполы край, Дзæуджыхъæу æмæ Пятигорск æнгом тæгтæй рагæй баст сты. Уыцы бастдзинæдтæ æмæ хæлардзинадæн бындур чи сæвæрдта, уыдонæй иу уыд не ‘нусон Къоста. 15 октябры та бæрæг кæндзыстæм нæ поэты райгуырæн бон. Æмæ абон Пятигорскы цы бæрæгбон уыдзæн, уый дæр баст у Хетæджы-фырты номимæ — горæты цæрджытæ æмæ уазджытæн фадат уыдзæн Республикæ Цæгат Ирыстон-Аланийы Культурæйы боны архайынæн.

Цæгат Ирыстон æмæ Стъараполы край, Дзæуджыхъæу æмæ Пятигорск æнгом тæгтæй рагæй баст сты. Уыцы бастдзинæдтæ æмæ хæлардзинадæн бындур чи сæвæрдта, уыдонæй иу уыд не ‘нусон Къоста. 15 октябры та бæрæг кæндзыстæм нæ поэты райгуырæн бон. Æмæ абон Пятигорскы цы бæрæгбон уыдзæн, уый дæр баст у Хетæджы-фырты номимæ — горæты цæрджытæ æмæ уазджытæн фадат уыдзæн Республикæ Цæгат Ирыстон-Аланийы Культурæйы боны архайынæн.

— Пятигорскы Национ культурæты хæдзар цы бирæ цымыдисаг мадзæлттæ аразы, уыдонæй иу кæнæм Хетæгкаты Къостайы райгуырды 157 азы кадæн. Æмæ мын уæлдай æхсызгон у, нæ хъæппæрисыл зæрдиагæй кæй бацин кодтой Стъараполы край æмæ Цæгат Ирыстоны минæвæрттæ дæр, нæ фарсмæ æрбалæууыдысты, цæмæй бæрæгбон хорз фæткыл ацæуа. Фыццаджы-фыццагдæр, æнхъæлмæ кæсæм Республикæ Цæгат ИрыстонАланийы делегацимæ. Дзæуджыхъæуæй нæм ссæудзысты Культурæ æмæ Национ ахастдзинæдты фæдыл министрадты бæрнон кусджытæ, республикæйы сфæлдыстадон цæдистæ æмæ æхсæнады минæвæрттæ, аивадон коллективтæ… Уазджытæ нæм уыдзæн Стъараполæй дæр. Уыдоны нымæцы: Цæгат Ирыстоны Æххæстбарджын минæвар Стъараполы крайы Мысыкаты Алан æмæ Стъараполы крайы Нациты хъуыддæгты фæдыл комитеты сæрдар Александр Писаренко, æндæр ведомствоты минæвæрттæ, стæй артисттæ. Бæрæгбоны архайджытæ уыдзысты Пятигорскы Думæйы депутаттæ, горæты культурæйы кусæндæттæ æмæ национ-культурон иугæндты минæвæрттæ… Республикæ Цæгат Ирыстон-Аланийы бон байгом уыдзæн, Къостайы цыртдзæвæн кæм ис, уыцы скверы. Уым сараздзыстæм поэтикон митинг. Генион Къостайы цард æмæ сфæлдыстады тыххæй сæ хъуыдытæ зæгъдзысты, куыд фысымтæ, афтæ уазджытæ дæр, се ‘мдзæвгæтæ бакæсдзысты æрыгон поэттæ. Уый фæстæ бæрæгбон адарддæр уыдзæн горæты Центрон библиотекæйы. Уым байгом уыдзæн Уæрæсейы Паддзахадон преми æмæ театралон преми «Золотая маска»-йы лауреат, нывгæнæг Ходы Виолæйы куыстыты равдыст. Библиотекæйы ма уыдзæн Паддзахадон камерон хор «Алани»-йы (йæ аивадон разамонæг — УФ-йы Паддзахадон премийы лауреат, Уæрæсейы сгуыхт артисткæ Кокойты Агуындæ) концерт дæр. Республикæ Цæгат Ирыстон-Аланийы Культурæйы боны программæйы уыдзæн æндæр фембæлдтытæ дæр. Нæ зæрдæ дарæм, горæты цæрджытæн цымыдисаг кæй уыдзысты æмæ дыууæ сыхаг регионы ахастдзинæдтыл хорзæрдæм кæй сахаддзысты, ууыл. Æмæ уый, æнæмæнг афтæ кæй уыдзæн, уымæй нæ ныфс ис — Дзытиаты Эммæ цы хъуыддагмæ нæ бавнала æмæ цы хъуыддаг нæ сараза, ахæм нæй. Уæлдайдæр та, йæ уарзон Ирыстоны сæраппонд.

СЛАНТЫ Аслан

ОСТАВЬТЕ ОТВЕТ

Please enter your comment!
Please enter your name here