Газы компаниты куыст æмæ фиддонты бæрц

0
489

Знон Цæгат Ирыстоны Сæргълæууæг БИТАРТЫ Вячеслав фембæлд æнæххæст бæрнондзинады æхсæнад «Газпром межрегионгаз Пятигорск»-ы Цæгат Ирыстоны филиал æмæ куыстуат «Газпром газораспределение Владикавказ»-ы ног разамонæг Дмитрий МЕРКУШИНИМÆ.

Фембæлды архайдтой æнæххæст бæрнондзинады æхсæнад «Газпром межрегионгаз»-ы генералон директоры хæдивæг Игорь Боткин, æнæххæст бæрнондзинады æхсæнад «Газпром межрегионгаз Пятигорск»-ы генералон директор Олег Калинкин æмæ ацы куыстуаты управленитæй иуы хицау Роман Ромашов. Цæгат Ирыстоны Сæргълæууæджы республикæйы газы компаниты ног разамонæгимæ зонгæ кæнгæйæ, Игорь Боткин куыд загъта, афтæмæй Дмитрий Меркушинмæ ис Уæрæсейы газы хæдзарады куысты стыр фæлтæрддзинад, уыцы æууæл, æнæмæнг, ахъаз уыдзæн республикæйы газы комплексы куыст фæхуыздæр кæнынæн. Ныхасы архайджытæ цы фарстатыл æрдзырдтой, уыдонæй иу уыд хардзгонд газы фиддонты бæрц. Игорь Боткины ныхасмæ гæсгæ, фæстаг рæстæг республикæйы ацы фарстамæ зынгæ фылдæр æргом здæхт цæуы, иуцасдæр фæхуыздæр хардзгонд газæн фидыны хъуыддаг. «Уæрæсейы Хицауад сæрмагонд уынаффæ рахаста хардзгонд газæн фидыны фæтк фæнывылдæр кæныны тыххæй, æмæ уый махæн у æххæстгæнгæ», — загъта Игорь Боткин. Битарты Вячеслав йæ раныхасы куыд фæбæрæг кодта, афтæмæй республикæйы разамынд цæттæ у газы компанитимæ æппæт лыггæнинаг фарстатыл дæр æмгуыстадмæ. «Иумæйаг хъаруты фæрцы нæ къухы бафтдзæн уавæр зынгæ фæхуыздæр кæнын. Республикæйы газы компаниты ног разамонæджы снысан кæныны размæ мах хъуыды дæр кæй бахыгътой, уый æвдисæн у, газы комплексы разамынд республикæимæ æмархайдмæ цæттæ кæй у, уымæн», — загъта Цæгат Ирыстоны Сæргълæууæг. Дмитрий Меркушин республикæйы разамонæгæн зæрдæ бавæрдта, йæ размæ цы хæстæ ис, уыдон къæпхæнгай æххæстгонд кæй цæудзысты, уымæй.

РЦИ-Аланийы Сæргълæууæджы æмæ РЦИ-Аланийы Хицауады пресс-службæ

ОСТАВЬТЕ ОТВЕТ

Please enter your comment!
Please enter your name here