Уыцы цаутæн ферохгæнæн нæй

0
540

Нæ домбай Советон Цæдис куы фехæлд, уæд уымæй размæ нæ дидинæгкалæг зæххыл иумæ хæларæй, æнгомæй цы бирæ адæмыхæттытæ цард, уыдоны ‘хсæн иуæй-иу рæтты 90-æм азты нæ бæстæйы знæгты ардыдæй æрцыд тугкалæн хæстытæ. 1992 азы карз быцæутæ рауад Ирыстоны дæр. Уыцы тугуарæн бонты Ирыстоны æхсарджын фырттæй бирæтæ сæ удтæ нывондæн æрхастой нæ Иры сæрвæлтау æмæ сæ риутæй бахъахъхъæдтой нæ фыдæлты зæхх.

Ахæм хъæбатыртæ æнусмæ æрæнцадысты Октябрыхъæуы æфсымæрон уæлмæрды æмæ Дзæуджыхъæуы Намысы аллейы. Зæрдæ риссы Ирыстоны зынгхуыст хъæбултыл, фæлæ сæрыстырдзинады æнкъарæнтæ фылдæр æвзæры нæ зæрдæты, æгайтма нæм ахæм сæрæнгуырдтæ ис. Ивгъуыд хуыцаубоны 30 октябры, Октябрыхъæуы æмæ Дзæуджыхъæуы Намысы аллейы нæ æдзард хъæбатырты ингæнтыл дидинджытæ сæвæрдтой Республикæ Цæгат Ирыстон-Аланийы Сæргълæууæг Битарты Вячеслав, Парламенты Сæрдар Алексей Мачнев, Хицауады Сæрдар Тускъаты Таймураз, æхсæнадон æмæ дины организациты минæвæрттæ, Дзæуджыхъæуы хиуынаффæйады администрацийы æмæ иннæ ведомствоты кусджытæ. Хъæбатырты мысæн бонмæ Республикæ Хуссар Ирыстонæй æрбацыд делегацийы стыр къорд, йæ сæргъы Президент Тыбылты Леонид, афтæмæй, æмæ дидинджытæ сæвæрдтой, Ирыстоны сæрвæлтау йæ цард нывондæн чи æрхаста, уыцы æхсарджын фыртты ингæнтыл. Хуыцау зæгъæд, æмæ ахæм тугкалæн хæстытæ нæ дидинæгкалæг зæххыл куыд никуыуал æрцæуой æмæ нæ адæмты ‘хсæн хæлардзинад фидарæй фидардæр куыд кæна!

ЧЕРЧЕСТЫ Хъасболат

ОСТАВЬТЕ ОТВЕТ

Please enter your comment!
Please enter your name here