Паддзахадон филармони байгом уыдзæн 17 декабры

0
427

Знон Цæгат Ирыстоны Сæргълæууæг БИТАРТЫ Вячеслав телефонæй ныхас кодта Санкт-Петербурджы Марияйы театры аивадон разамонæг ГЕРГИТЫ Валериимæ. Ныхасы рæстæг æркастæуыд, Цæгат Ирыстоны паддзахадон филармони цалцæджы фæстæ байгом кæнынмæ куыд цæттæ у, уымæ.

Гергийы-фырт куыд радзырдта, афтæмæй йын æрæджы йæ уæрагæн операци скодтой, ныртæккæ та йын реабилитацийы рæстæг у. Уымæ гæсгæ, паддзахадон филармони байгом кæныны фæдыл кадджын æмбырд 3 декабрæй аргъæвтой 17 декабрмæ. Уыцы æууæл хынцгæйæ, хæстæгдæр бонтæм нысангонд Марияйы театры симфонион оркестры концерт Дзæуджыхъæуы уыдзæн фæстæдæр. Зындгонд куыд у, афтæмæй цалцæджы рæстæг филармонийы залы сæвæрдтой, Уæрæсейы хуссары æмбал кæмæн нæй, ахæм акустикон системæ. Уыцы системæйы фæдыл техникон амынддзинæдтæ бацæттæ кодта зындгонд япойнаг инженер-акустик Ясухиса Тойота. Уыцы специалисты республикæмæ фæхуыдтой Гергиты Валерийы амынддзинадмæ гæсгæ.

РЦИ-Аланийы Сæргълæууæджы æмæ РЦИ-Аланийы Хицауады пресс-службæ

ОСТАВЬТЕ ОТВЕТ

Please enter your comment!
Please enter your name here