Раззагдæртæн — хæрзиуджытæ

0
455

Дзæуджыхъæуы администрацийы æмбырдтæгæнæн залы Цæгат Ирыстоны Сæргълæууæг Битарты Вячеслав цардархайды алыхуызон къабæзты хуыздæр минæвæрттæн радта кадджын нæмттæ æмæ арфæйы гæххæттытæ.

Æмбырды архайджытæн Ног азы фæдыл арфæ кæнгæйæ, республикæйы разамонæг загъта:- Ирыстойнæгты фылдæр хай цæры Дзæуджыхъæуы. Ирыстоны фидæн аразгæ у нæ республикæйы сæйраг горæты куыстæй. Алчи йæ куысты хæстæ æнæхинæй куы æххæст кæна, уæд хъуыддæгтæ æнæлазæй цæудзысты. Республикæйы промышленнон куыстады фылдæр хай дæр Дзæуджыхъæуы кæй æрбынæттон, уымæ гæсгæ нæ республикæйы сæйраг горæт у рæзты центр. Арфæ уын кæнын уæ æнæхин фæллойы тыххæй. Уадз, æмæ Ног аз алы хæдзарæн дæр æрхæсса амонд æмæ фæрныгад!

Дзæуджыхъæуы администрацийы сæргълæууæг Æлбегаты Барис дæр æмбырды архайджыты æнтыстджын куыст  бафиппайдта:

— Уæ куыст бæрнонæй кæй æххæст кæнут, уый фæрцы республикæйы сæйраг горæт хуыздæрæй-хуыздæр кæны.

Бирæ азты дæргъы транспорты къабазы æнтыстджынæй бакусыны тыххæй муниципалон унитарон куыстуат «Владтрамвай»-ы трамвайскъæрæг Александр Суворовæн радтой кадджын ном «Республикæ Цæгат Ирыстон-Аланийы транспорты сгуыхт кусæг». Иумæйаг радхæссæг-диспетчерон службæйы сæйраг инженер Равшанбек Курбановæн саккаг кодтой кадджын ном «Республикæ Цæгат Ирыстон-Аланийы цæрæнуæтты-коммуналон хæдзарады сгуыхт кусæг», Психиатрион рынчындоны сылгоймæгты хайады медицинон хо Джиоты Тамарæйæн — кадджын ном «Республикæ Цæгат Ирыстон-Аланийы æнæниздзинад хъахъхъæнынады сгуыхт кусæг», Дзæуджыхъæуы Библиотекæты централизацигонд системæйы 13-æм хайады разамонæг Бичегкуты Теяйæн та – кадджын ном «Республикæ Цæгат Ирыстон-Аланийы культурæйы сгуыхт кусæг».

Дзæвгар рæстæг æнæлазæй бакусыны тыххæй Кады грамотæтæй хорзæхджынгонд æрцыдысты Тагъд медицинон æххуысы клиникон рынчындоны анестезиолог-реаниматолог Зæгъойты Жаннæ, дыккæгæм арæндоны акушерон хайады санитаркæ Иннæ Котова, Тагъд медицинон æххуысы станцæйы фелсыр Сугъараты Жаннæ, 22-æм астæуккаг скъолайы математикæйы ахуыргæнæг Малиты Изабеллæ, Дзæуджыхъæуы муниципалон кусæндон «Дорожный фонд»-ы хистæр специалист Мамсыраты Барис æмæ æнæххæст бæрнондзинады æхсæнад «Промжилстрой РСО-Алании»-йы бригадир Солтанты Хъазыбег.

Уымæй уæлдай, арфæйы гæххæттытæ райстой Дзæуджыхъæуы Хетæгкаты Къостайы номыл фæсивæдон центры эстрадон коллективы разамонæг Брытъиаты Алан, фæсивæды спортивон скъола «Футбольный клуб «Барс»-ы тренер-ахуыргæнæг Джиоты Тамерлан, Фæсивæды сфæлдыстады рæзты центры уæлæмхасæн ахуырады ахуыргæнæг Дзуццаты Эльзæ, 68-æм рæвдауæндоны хъомылгæнæг Дриаты Ольгæ, къордгай зарæггæнджыты скъолайы ахуыргæнæг Цогойты Светланæ, Клиникон рынчындоны медицинон хо Дзыныхты Маринæ æмæ травмотолог-ортопед Дзитойты Дзамболат, Цæгат Кавказы бирæкъабазджын медицинон центры анестезиологи æмæ реанимацийы хайады разамонæг Дойаты Денис, сывæллæтты клиникон рынчындоны сæйраг дохтыр Икъаты Мурат, сывæллæтты 3-æм поликлиникæйы медицинон хо Цæлыккаты Ларисæ, стæй сывæллæтты 4-æм поликлиникæйы медицинон хо Цъæхилты Жаннæ.

 

 

 

ОСТАВЬТЕ ОТВЕТ

Please enter your comment!
Please enter your name here