Къазнайады куысты хатдзæгтæ

0
217

Знон уыдис федералон Къазнайады управленийы цæгатирыстойнаг коллегийы дзуапдæттæн æмбырд. Архайдтой дзы РЦИ-Аланийы Парламенты Сæрдар Алексей МАЧНЕВ, Дзæуджыхъæуы мэр ÆЛБЕГАТЫ Барис, РЦИ-Аланийы Хицауады фыццаг хæдивæг СÆБÆТХЪУАТЫ Æхсарбег, Цæгат Кавказы федералон инспектор Андрей БЕССОНОВ, РЦИ-Аланийы финансты министры фыццаг хæдивæг ЗÆГЪОЙТЫ Алан, национ банчы цæгатирыстойнаг хайады разамонæджы хæдивæг ХЪУЛЧИТЫ Юри, Дзæуджыхъæуы администрацийы Финансон управленийы хицау ЦОХЪТЫ Хъазыбег, УФ-йы Президенты цур Финансон университеты директор УЫРЫМТЫ Зæирæ æмæ районты хайæдты кусджытæ.

Æмбырды архайджытæ байхъуыстой сæйраг, федералон Къазнайады управленийы цæгатирыстойнаг хайады разамонæг Айларты Галинæйы раныхасмæ. Боны фæткмæ хаст æрцыдысты ивгъуыд азы куыстæн хатдзæгтæ скæныны, 2017 азы паддзахадон контракттæ сæххæст кæныны æмæ, «Электронный бюджет» кæй хонынц, уыцы ногдзинадæй пайда кæныны фарстатæ. Айларты Галинæ загъта, куыд республикæйы къазнайады разамынд, афтæ федералон Къазнайады фæдзæхстытæ æмæ æндæр мадзæлттæ æххæст кодтой. 2016 азы куыстæн хатдзæгтæ кæнгæйæ, уый загъта: — Уыцы мадзæлттæй сæйрагдæр уыдис «Уæрæсейы Къазнайады стратегион картæ» æмæ проект «Къазнайады системæйы модернизаци». Нæ къухы бафтыдысты нæ нысантæ, ацы ран активонæй архайдтой управленийы районты дæлхайæдтæ æмæ фæллойадон коллективтæ иууылдæр. Уæлдай тынгдæр мæ фæбæрæг кæнын фæнды федералон Реестры хайады архайд. Сæ хæстæ афæдзы мидæг сæххæст кодтой, куысты фæтк куыд домы, афтæ. Биноныг бацархайдтой, æмæ сбæлвырд кодтой реестры бюджетон процессы архайджытæ æмæ дзы, чи нæ архайы, уыдон се ‘ппæт дæр. «Электрон бюджет» къазнайады куыстмæ бахæссыны куыст æртæ фæлтæрæй цæудзæн. Фыццаг фæлтæр райдыдта 2015 азы. Кæронбæттæн æмгъуыд та у 2018 аз. Ивгъуыд аз Управленийы байгом æмæ æхгæд æрцыд, бюджетон системæйы æппæт æмвæзадты 420 хыгъды. Управленийы раззагдæртæй иу у — æфтиæгты хайад. Ацы ран мах æнæмæнг æнцой кодтам æмæ кæнæм УФ-йы бюджетон кодексы бындурыл, федералон æмæ республикон закъонтыл, УФ-йы Финансты министрады нормативон гæххæттытæ æмæ фыстæджытыл.

2016 азы хъалонты æфтиæгтæ уыдысты 7,1 миллиард сомы, товартыл хъалонтæй æфтиæгтæ сырæзыдысты 5,8 миллиардмæ, исбонадыл хъалонтæ та 1,2 миллиард соммæ. Республикæйы бюджетмæ æрвыст æрцыд 11,0 миллиарды бюджетты æхсæн трансфертæ æмæ дотацитæй, пайдагонд кæмæй не ‘рцыд, уыцы субсидитæй 2,1 миллиард сомы фæстæмæ æрвыст æрцыдысты Федералон бюджетмæ. Къазнайады управленийы 2017 азы куысты пълантыл ныхасгæнгæйæ, йæ разамонæг фæбæрæг кодта, дарддæр дæр сæ куыст æппæт ведомствотæ æмæ дæлхайæдтимæ æмархайды бындурыл кæй араздзысты. Æмбырды кæрон РЦИАланийы Парламенты Сæрдар Алексей Мачнев Парламенты Кады гæххæттытæй схорзæхджын кодта Федералон къазнайады управленийы æмæ районты дæлхайæдты раззагдæр кусджыты.

САУТÆТЫ Тамилæ Къам систа КЪÆБЫСТЫ Харитон

 

ОСТАВЬТЕ ОТВЕТ

Please enter your comment!
Please enter your name here