Экологийы азы кадæн

0
321

Горæт Налцыччы байгом æппæтуæрæсеон акци «100 баллов для победы». Ацы хатт мадзал арæзт цæуы Уæрæсейы Экологийы азы кадæн. Цæгат Ирыстонæй акци байгом кæныны фæдыл æмбырды архайдтой ЦИПУ-йы ректоры хæстæ æххæстгæнæг ОГЪУАТЫ Алан æмæ республикæйы ахуырад æмæ наукæйы министр Иринæ АЗИМОВА.

Акцийы архайæг адæм уыцы бон æрбамбырд сты Налцыччы Сывæллæтты сфæлдыстады академи «Солнечный город»-мæ. Мадзал «100 баллов для победы» байгом кодтой федералон агентад «Рособрнадзор»-ы разамонæг Сергей Кравцов æмæ Кæсæг-Балхъары республикæйы Сæргълæууæг Юрий Коков. Скъолайы рауагъдонтæн ацы акцийы фæлгæты арæзт æрцæудзысты мастер-класстæ æмæ æндæр ахуырадон мадзæлттæ. Фарон Иумæйаг паддзахадон фæлварæны рæстæг æппæты бæрзонддæр бæрæггæнæн — 100 баллы чи райста, уыцы фæсивæд ацы азы рауагъдонтæн амондзысты, кæронбæттæн паддзахадон аттестацимæ куыд хуыздæр бацæттæ кæнæн ис, уый. Фембæлды архайджытæн дзурдзысты Экологийы азы нысаниуæджы тыххæй. Уымæй уæлдай, акцийы архайджытæ Сывæллæтты сфæлдыстады академийы кæрты ныссагътой бæлæстæ. Æппæтуæрæсеон акци «100 баллов для победы» ныр арæзт цæуы æртыккæгæм хатт. 2015 азы йæ сарæзтой Уæлахизы 70 азы кадæн, ивгъуыд азы та — космосмæ фыццаг адæймаджы атахты 55 азы кадæн.

Нæ уацхæссæг

ОСТАВЬТЕ ОТВЕТ

Please enter your comment!
Please enter your name here