Сараздзысты “Хъыджы къул”

0
116

Знон Национ наукон библиотекæйы уыд политикон репресситы амæттæгтæн номарæн цыртдзæвæнты проектты цæугæ равдыст «Хъыджы къул». Архайдтой дзы Уæрæсейы Федерацийы Президенты администрацийы бæрнон кусджытæ, РЦИ-Аланийы Сæргълæууæг БИТАРТЫ Вячеслав, РЦИ-Аланийы Парламенты æмæ Культурæйы министрады разамынд, æхсæнады минæвæрттæ.

Равдыст байгом кæныны размæ раныхас кодта РЦИ-Аланийы Сæргълæууæг Битарты Вячеслав. Уый арфæ ракодта равдысты автортæн. Загъта, ивгъуыд æнусы 30-æм азты нæ бæстæйы цы æвирхъау бæллæхтæ æрцыд, уыдон хъуамæ мах ма рох кæнæм, сæ амæттæгты рухс нæмттæ та нын сты æнусмæ мысинаг. Уый фæстæ раныхас кодта Уæрæсейы Федерацийы Президенты уынаффæгæнæг, нæ бæстæйы Президенты цур Граждайнаг æхсæнады рæзты æмæ адæймаджы барты советы сæрдар Михаил Федотов. — Ахæм цæугæ равдыстытæ ныридæгæн мах сарæзтам Екатеринбурджы, Налцыччы, Черкесскы, Стъараполы æмæ Магасы, — дзырдта Михаил, — политикон репресситы амæттæгты номарæн цырдзæвæны проекты автор у скульптор Георгий Франгулян. Монумент хъуамæ байгом кæнæм ацы аз Мæскуыйы, академик Сахаровы æмæ Садовое кольцо кæй хонынц, уыцы уынгты тигъыл. Йæ саразынæн æхца лæвæрд цæуы, куыд паддзахадæй, афтæ алыхуызон æхсæнадон организацитæй Политикон репресситы амæттæгты номарæн фондмæ. Ныридæгæн уал нын Мæскуыйы хицауад радих кодта 300 милуан сомы, хъæуы ма нæ 160 милуан сомы, Михаил Федотовы ныхæстæм гæсгæ ма фæнд кæнынц нæ бæстæйы стыр горæтты политикон репресситы амæттæгты номарæн музейтæ саразын дæр. Уый фæстæ равдыстмæ æрбацæуджытæ федтой политикон репресситы амæттæгты номарæн цыртдзæвæнты иннæ проекттæ дæр.

ГАСАНТЫ Валери Къам систа КЪÆБЫСТЫ Харитон

ОСТАВЬТЕ ОТВЕТ

Please enter your comment!
Please enter your name here