Курдиæттæ рабæрæг кæнынæн

0
59

Дзæуджыхъæуы Культурæйы галуан «Металлурджы» уыд Цæгат Ирыстоны профцæдисон змæлды сæвзæрды 100 азы кадæн арæзт хæдахуыр аивадон коллективты æркаст-конкурс. Архайдтой дзы республикæйы кусæндæтты кусджытæ, стæй уæддæр ахуыргæнæндæтты студенттæ. Конкурсы уыд 5 номинацийы: аивадон каст, зарæг, ансамбльтæ, кафт æмæ инструменталон цагъд.

Аивадон касты номинацийы фæуæлахиз авторон æмдзæвгæ «Я стала старше, не скажу мудрее» бакæсæг товариртасæн-технологион факультеты магистрант Мария Павлиашвили. Дыккаг бынат бацахста авторон æмдзæвгæ «Кольцо» бакæсæг, Дзæуджыхъæуы куырмыты æхсæнады уæнг Æлборты Тамилæ, æртыккаг бынатмæ та æмдзæвгæ «Баллада о прокуренном вагоне»-имæ рацыд республикæйы Национ наукон библиотекæйы кусæг Зæлинæ Коваева.

Зарæджы номинацийы раззаг бынæттæ бацахстой Хæххон паддзахадон аграрон университеты 3-аг курсы студенткæ Мæргъиты Иринæ, Цæгат Ирыстоны паддзахадон медицинон академийы студент Бадриаты Гермæн æмæ Дзæуджыхъæуы куырмыты æхсæнады уæнг Александр Иванов.

Ансамбльты номинацийы хуыздæртыл нымад æрцыдысты 4-æм профессионалон лицейы ахуырдзауты къорд «Грация», завод «Электроцинчы» кусджыты къорд «Лабиринт» æмæ сывæллæтты рæзты центр «Заря»-йы зарæггæнджыты студи «Бис».

Кафты номинацийы хуыздæр арæхстдзинад равдыстой Цæгат Ирыстоны таможняйы минæвæрттæ Годызты Сослан æмæ  Хъодзаты Аннæ, Цæгат Ирыстоны паддзахадон медицинон академийы студенткæ Кцойты Виктория, стæй Цæгат Кавказы хъæды техникумы студенттæ Гайты Вадим æмæ Фардзинты Дианæ.

Инструменталон цагъды номинацийы хуыздæр арæхстдзинад равдыстой сывæллæтты рæзты центр «Заря»-йы адæмон инструментты ансамбль «Уадындз»-ы уæнгтæ, Цæгат Ирыстоны медицинон колледжы студент Гасситы Зауыр æмæ Хæххон паддзахадон аграрон университеты студенткæ Туаты Илонæ.

Раззаг бынæттæ бацахсæг адæм хорзæхджынгонд æрцыдысты дипломтæ æмæ  æхцайы премитæй. Жюрийы уæнгтæ – сгуыхт артистты æмæ аивады зындгонд архайджытæ Пагæты Фатимæ, Дауыраты Эдуард, Дзæхойты Зæлинæ æмæ æндæртæ – конкурсы æппæт архайджыты дæсныдзинадæн стыр аргъ скодтой.

— Ахæм конкурсты фæрцы вæййы канд æнахъомты нæ, фæлæ фæллойадон коллективты æхсæн дæр курдиатджын адæмы рабæрæг кæныны фадат, хæссæм амынд нывыл карст дзыллон мадзæлттæ æрвылаз аразыны фæндон, — загътой жюрийы уæнгтæ.

РЦИ-Аланийы Профцæдисты федерацийы пресс-службæ

 

ОСТАВЬТЕ ОТВЕТ

Please enter your comment!
Please enter your name here