Профцæдистæ. Ныхас ахуырады лыггæнинаг фарстатыл

0
32

Цæгат Ирыстоны Ахуырад æмæ наукæйы кусджыты профцæдисы сæрдар Тезиаты Таймураз куыд фехъусын кодта, афтæмæй секретарь-хъуыддагаразæджы бынаты фæзынд скъолаты аиуварс кæндзæн ахуыргæнджытыл æнцайæг гæххæттыл фыст æгæр бирæ дзуаппытæ дæттыны фарста, фæлæ штатты уагæвæрды ног бынаты фæзынд банымайæн ис фарстайы лыг кæныны фæрæзтæй иуыл.

Ахуыргæнæгæй хуыздæр хи кълас кæй ничи зоны, уымæ гæсгæ ацы фæндоны ахадындзинадыл дызæрдыг кæнын, — зæгъы Мæздæджы районы ахуырад æмæ наукæйы кусджыты профцæдисы сæрдар Людмилæ Белоус.

Æмбырды архайæг районты ахуырад æмæ наукæйы профцæдисты разамонджытæ æрныхас кодтой ахуыргæнджыты куысты бæрцыл, стæй Ирыстонæй фылдæр мызд кæм фидынц, ахæм регионтæм курдиатджын ахуыргæнджыты ацыдыл. Æмбырды архайджытæ куыд загътой, афтæмæй гæххæттыл фыст фарстатыл куыстыл ахуыргæнæг бахардз кæны æгæр бирæ рæстæг.

— Гæххæттыл фыст фæрстытæн дзуапп хъуамæ чи дæтта, уыцы ахуыргæнæг арæх йæ куы сты пълантæ нæ баххæст кæны. Арæзт æрцæуынц бирæ конкурстæ, ацы конкурсты кæд нæ архайыс, уæддæр дзы цæмæ гæсгæ нæ архайыс, уый тыххæй дæр хъуамæ дзуапп раттай. Ацы æууæлты аххосæй бирæтæ ахуыргæнæгæй кусыныл не сразы вæййынц, — загъта Лэдмилæ Белоус.

— Ахуыргæнджытыл æгæр бирæ гæххæттытимæ кусыны хæс ничи æвæры. Сæйраг лыггæнинаг фарстайыл нымад у ахуырады ныллæг къæпхæн, — загъта РЦИ-Аланийы ахуырад æмæ наукæйы министры хæдивæг Людмилæ Башарина.

Æмбырды архайджытæ кæй сфидар кодтой, уыцы уынаффæмæ хаст æрцыдысты скъолаты, профилон ведомствойы, стæй Дзæуджыхъæу æмæ районты администрациты ахуырады управлениты разамонджытæн фæндæттæ. Зæгъæм, скъолайы администраци кæй хъуамæ бацæттæ кæна, гæххæттыл фыст уыцы дзуаппытæ цæттæ кæныны куыст ахуыргæнджыты бæрны кæнын не ’мбæлы; электронон æмæ гæххæттын боныгтæ кæрæдзи хъуамæ ма фæзмой; уæлæмхасæн куыст чи кæны, уыцы ахуыргæнджыты фæллойæн æмбæлы мызд фидын.

Куыд зонæм, афтæмæй ахуыргæнджытыл бирæ гæххæттытæ фыссыны хæс æвæрд кæй ис, ууыл ныхас кодтой æндæраз декабры арæзт Уæрæсейы Паддзахадон советы æмбырды архайджытæ. Гæххæттытæ цæттæ кæнынимæ баст чи у, æмбырды архайджытæ Уæрæсейы Хицауад æмæ регионты æххæстгæнæг хицаудзинады органтæн бабар кодтой ахуыргæнджытыл æнцайæг куысты  ахæм бæрц фæкъаддæр кæныны фæдыл мадзæлттæ саразын. Цæгат Ирыстоны кæй сарæзтой, уыцы кусæг къорды уæнгты номхыгъдмæ хаст æрцыдысты Ахуырад æмæ наукæйы профцæдисы республикон комитеты уæнгтæ, стæй Æппæтуæрæсеон адæмон фронты регионалон штабы минæвæрттæ.

 

 

ОСТАВЬТЕ ОТВЕТ

Please enter your comment!
Please enter your name here