Сбæрæг сты Хъамбердиаты Мысосты премийы лауреаттæ

0
23

Знон Республикæ Цæгат Ирыстон-Аланийы Сæргълæууæджы цур арæзт поэт Хъамбердиаты Мысосты номыл паддзахадон литературон премийы къамисы уыд æмбырд. Амыдта йæ къамисы сæрдар ФАДЗАЙТЫ Æхсар.

Къамисы уæнгтæ сæвзæрстой нымайæн къорд æртæ адæймагæй. Уыдон уыдысты Бигъуылаты Людмилæ, Газайты Аидæ æмæ Олисаты Альбинæ. Сусæг уагæй схъæлæс кæныны фæстæ сбæрæг сты Хъамбердиаты Мысосты номыл паддзахадон фæсивæдон премийы лауреаттæ. Уыдон сты: прозæйы — газет «Рæстдзинад»-ы сæрмагонд уацхæссæг Касаты Аслæнбег йæ уацмыстæ «Нывæй-нывмæ»-йы тыххæй, поэзийы — Хæххон паддзахадон аграрон университеты ахуыргæнæг Габолаты Зауырбег æмдзæвгæты цикл «Мæ цæстæнгас»-ы тыххæй, драматургийы та — «Россельхозбанчы» кусæг Гаджиты Лолитæ дыууæархайдон драмæ «На ужин пули»-йы тыххæй. Паддзахадон премийы лауреаттæн лæвæрд æрцæудзæн дипломтæ риуылдаргæ нысантимæ æмæ фæйнæ 50 мин сомы Республикæ Цæгат Ирыстон Аланийы Сæргълæууæджы фондæй. Къамисы уæнгтæ ма æркастысты премийы уагæвæрдмæ ивддзинæдтæ бахæссыны фарстамæ дæр.

КАСАТЫ Батрадз

ОСТАВЬТЕ ОТВЕТ

Please enter your comment!
Please enter your name here