Рынчындонæн — лæвар

0
54

Æрыдоны районы рынчындонæн «Бавария»-йы компаниты къорд балæвар кодта, рагæй кæмæ бæллыдысты, ахæм æнæмæнг хъæугæ медицинон аппарат — коагулометр. Уый руаджы æвæстиатæй сбæрæг кæнæн ис туджы алыхуызы анализтæ. Уæлдайдæр та тромбты фæзынд.

Раздæр-иу туджы анализтæ кодтой рынчындоны кусджытæ сæхæдæг. Уымæн-иу бахъуыд дзæвгар рæстæг æмæ хорзæрдæм нæ зынд анализты хæрзхъæддзинадыл дæр. Уæззау низтæй-иу уый аххосагæй бирæтæ афойнадыл не сбæрæг сты. Нырыккон размæцыд медицинон аппаратурæтæ куысты мидæг удæнцой сты, фæлæ сæ балхæнын алы паддзахадон рынчындоны къух нæ амоны. Æрыдоны районы рынчындоны кусджытæ РЦИАланийы Сæргълæууæг Битарты Вячеславимæ фембæлды рæстæг сæ уавæртыл куы æрдзырдтой, уæд сын республикæйы Сæргълæууæг ныфс бавæрдта, сæ курдиат сын кæй сæххæст кæндзæн, уымæй æмæ сын æй бафæдзæхста «Бавария»-йы компаниты къордæн. Æрыдоны районы рынчындоны сæйраг дохтыр Дыдарты Владимир куыд радзырдта, афтæмæй цæмæй рынчынæн хостæ раттыны бæрц сбæрæг кæной, æмæ йæ æнæниздзинад дзæбæхгæнæн мадзæлттæ хъæугæ уагыл æххæстгонд æрцæуой, уый тыххæй, æнæмæнг, фæхъæуынц туджы анализтæ. Ахæм медицинон аппарат куысты мидæг у тынг ахсджиаг дзаума, уæлдайдæр та ныхас адæймаджы мæлæты къахæй раздахыныл куы фæцæуы, уæд. Зæрдæ æмæ тугдадзинты низты рынчынтæ, травматалоги æмæ реанимацийы хайады рынчынтæн се ‘ппæтæн дæр се сдзæбæх кæныны мадзæлттæ æнгом баст сты ацы аппаратимæ. «Абон æнæниздзинад хуыздæргæнæн мадзæлттæй иунæг дæр æнæ туджы анализтæй æххæстгонд нæ цæуы. Ацы аппарат балхæнын нæ уавæртæ нæ амыдтой. Нæ хæрзгæнджытæн бузныджы ныхæстæ зæгъын нæ кусджыты æмæ нæ рынчынты номæй. Ныр анализтæ рынчындоны уыдзысты лæвар æмæ афойнадыл» — зæгъы Дзебысаты Галинæ.

Нæ уацхæссæг

ОСТАВЬТЕ ОТВЕТ

Please enter your comment!
Please enter your name here