Республикæйы энергетикон къабазы рæзт

0
19

РЦИ-Аланийы Сæргълæууæг БИТАРТЫ Вячеслав фембæлд куыстуат «Россети»-йы генералон директор Павел ЛИВИНСКИИМÆ

Ныхас рауадис Ирыстоны энергетикон къабазы рæзты æмæ «Россети»-имæ æмгуыстадыл. Куыстуаты ног разамонæгимæ Битарты Вячеслав фембæлд фыццаг хатт, æмæ æрдзырдтой, Дзæуджыхъæуы цы дæлстанцæ «Парковая» арæзт цæуы, уый скусын кæныныл, республикæйы сæйраг горæты ныгуылæйнаг хайы ног хызтæ æмæ фæрæзтæдихгæнæн дæлстанцæйы арæзтадыл. Уый фæрцы электрон тыхæй къуылымпыдзинæдтæ нал уыдзæн, ноджы уый зонгæйæ, æмæ горæты ныгуылæйнаг хайы арæзт цæуы ног микрорайон. Уырдæм хæстæг у Горæтгæрон район дæр, æмæ уыцы хъомыс ууыл дæр æххæсдзæн. Битарты Вячеслав куыд бафиппайдта, афтæмæй, «Парковая» куы скуса, уæд, галиуварсы ‘рдыгæй цы дæлстанцæ ис, уый архайд зынгæ фæрогдæр уыдзæнис. «Цæмæй йын йе ‘ппæт хъомысæй пайда кæнæм, уый тыххæй ма, æнæмæнг, хъæуы фæрæзтæдихгæнæн дæлстанцæ. Ацы ран ахсджиаг у «Россети»-йы финансон æххуыс, æмæ уымæ гæсгæ семæ ныхас кæнæм. Хорз уаид, цæмæй Джызæлы хъæу бафтауой «Парковая»-йы дæлстанцæмæ, æмæ хъавæм уыцы фарста инвестицион программæмæ бахæссын», — загъта республикæйы Сæргълæууæг. Битарты Вячеслав æмæ Павел Ливинский бæстон равзæрстой РЦИ-Аланийы артаджыэнергетикон комплексы уавæр зынгæ фæхуыздæр кæныны мадзæлттæ. Æркастысты ма республикæйы æппæт электрон хызæджы хъомыс баиу кæныны хъуыддагмæ дæр. Ахæм куыст цæуы 2016 азы августæй, уый тыххæй республикæйы фæзындис цæстдарæг совет дæр.

РЦИ-Аланийы Сæргълæууæджы æмæ РЦИ-Аланийы Хицауады пресс-службæ

ОСТАВЬТЕ ОТВЕТ

Please enter your comment!
Please enter your name here