Фыццаг минæвæрттæ — Туркæй

0
43

Куыд хъусын кодтам, афтæмæй Цæгат Ирыстоны 27-28 октябры Хæххон аграрон университеты Культурæйы галуаны уыдзæн ирон адæмы IX съезд. Уый фæдыл знон Ирыстонмæ ссыдысты фыццаг делигацийы уæнгтæ Туркæй. Къуырийы кæронмæ дунейы алы бæстæтæй сæ историон уæзæгмæ æрцæудзысты фондзсæдæ адæймагæй фылдæр. Туркæй чи æрцыд, уыдон сты: диаспорæйы сæргълæууæг ХЪУЫСАТЫ Садреттин (Садреттин Кусоглу), ХЪАНЫХЪУАТЫ Ремзи (Ремзи Йылдырым), АБЫСАЛТЫ Кая (Йалчын Кая Арпат), ЦОРИТЫ Мутлу (Мутлу Шахиногоз), ХЪУЫСАТЫ Хайри (Хайри Ата), ДЗАНСОХТЫ Мустафа (Мустафа Кылыч). Семæ ма Ирыстонмæ æрцыд Сирийы ирон диаспорæйы минæвар ÆЛБЕГАТЫ Хишам.

Съезды агъоммæ турчы цæрæг ирæттæ фембæлдзысты республикæйы интеллигенциимæ, бабæрæг кæндзысты уæлдæр ахуыргæнæндæттæ, Цæгат Ирыстоны социалон æмæ гуманитарон иртасæнты институт, фембæлдзысты курдиатджын фæсивæдимæ, бабæрæг кæндзысты Ирыстоны кæмттæ. — Хъыгагæн, æз ирон адæмы раздæры съездтæй иуы дæр нæ уыдтæн, фæлæ хорз зонын, сæ размæ цы хæстæ æвæрдтой, цæуыл куыстой, уыдон. Фæнды сæ сæ куыстмæ динамикон ивддзинæдтæ бахæссын, æмæ мæ уырны, уыдон æнæуæз ныхæстæ кæй не сты æмæ æнæмæнг кæй сахаддзысты ирон адæмы цардыл — зæгъы Хъуысаты Садреттин. ХЕТÆГКАТЫ Оксанæ

 

ОСТАВЬТЕ ОТВЕТ

Please enter your comment!
Please enter your name here