Ирон лæджы кад æмæ намыс къæхты бын ссæндын нæ бауагътой

0
47

Октябры тугуарæн бонтæ. Уый уыдис уæларвæй
дур æрхауæгау, хур бон арвы цæфау.

Æвæдза, сæ тыхст æмæ уырыд рæстæджы адæм куыд æрбангом вæййынц, афтæ никуы. Сыстадысты Ирыстоны сагсур фæсивæд Цæгатæй Хуссармæ æмæ тыхгæнджыты сæргой фæкодтой. Ирон лæджы кад æмæ намыс къæхты бын ссæндын нæ бауагътой. Лæгдзинад æмæ æхсар та сын фыдæлтæй баззадысты. Æмæ сæ фыдæлты цæсгом нæ фæчъизи кодтой! Фæлæ дзы бирæтæ æнустæм æрыгонæй баззадысты, нал федтой сæ ныййарджыты, сæ уарзон сыхæгты, сæ уарзæтты… Нæ, уыдоны сæрбахъуыды рæстæджы æндон рæхыстæ дæр нæ баурæдтаиккой, уымæн æмæ сын Ирыстоны абон æмæ фидæн сæ цардæй зынаргъдæр уыдысты.

Цалынмæ адæм мысынхъом уой, уæдмæ уыдзысты адæм. Мысын та цыртдзæвæн у адæмы зæрдæты. Ирыстоны сæрвæлтау йæ цард нывондæн чи ‘рхаста, уыдоны ингæнтæм алы аз дæр 30 октябры æрбацæуынц Хицауадæй хуымæтæг адæмы онг. Сæркъулæй æрлæууынц сæ разы, дидинджытæ сын сæвæрынц сæ ингæнтыл. Ахæм мысæн мадзал 30 октябры райдыдта Октябрыхъæуæй. Ирыстоны зынгхуыст хъæбулты ингæнтыл дидинджытæ сæвæрдтой РЦИ-Аланийы Сæргълæууæг Битарты Вячеслав, Горæтгæрон районы муниципалон арæзты сæргълæууæг Гаглойты Алан, РЦИ-Аланийы Хицауады æмæ Горæтгæрон районы администрацийы уæнгтæ, зæрдæрыст адæм. Мысæн мадзал дарддæр цыдис Дзæуджыхъæуы Намысы аллейы. Ам Ирыстоны зынгхуыст хъæбулты ингæнтыл дидинджытæ сæвæрдтой РЦИ-Аланийы Сæргълæууæг Битарты Вячеслав, РЦИ-Аланийы Парламенты Сæрдар Алексей Мачнев, РЦИ-Аланийы Хицауады Сæрдар Тускъаты Таймураз, Хицауады бæрнон адæймæгтæ, хъыггæнæг адæм.

АБАЙТЫ Эдуард

Къамтæ систа КЪÆБЫСТЫ Харитон

 

ОСТАВЬТЕ ОТВЕТ

Please enter your comment!
Please enter your name here