Лæвæрттæ — Тускъаты Таймуразæй

0
150

“Алайнаг гимназ у республикæйы ахуырады ног фæрнæйдзаг къахдзæф æмæ зæрдæ дарæм, ардыгæй хорз ахуыргонд, хæрзæгъдау адæймæгтæ кæй рацæудзæн, уыдон ирон ныхас æмæ культурæ адæммæ кæй хæсдзысты, Ирыстон сæрыстыр кæмæй уыдзæнис, ахæмтæ”.

Знон Алайнаг гимназы, Ног азы бæрæгбоны кадæн цы рæсугъд хъуыддаг конд æрцыдис, уырдæм сывæллæттæ æмæ ахуыргæнджытæн арфæтæ ракæнынмæ æрбацыдысты Цæгат Ирыстон-Аланийы Хицауады Сæрдар ТУСКЪАТЫ Таймураз æмæ ахуырад æмæ наукæйы министр Иринæ АЗИМОВА.

Сывæллæттæн сæ бæрæгбон уыдис аив фæлгонцгонд парахат уаты, астæуæй дзы цæхæртæкалгæ лæууыдис назбæлас, уæдæ национ бакастимæ декорацитæ дæр уыдысты тынг зæрдæмæдзæугæ. Ацы ног ахуыргæнæндоны программæ æххæстгонд цæуы мадæлон æвзагыл. Тускъаты Таймураз дæр фыццагкъласонтæн æмæ ахуыргæнджытæн йæ арфæйы ныхæстæ загъта ирон æвзагыл. Республикæйы Сæргълæууæг Битарты Вячеславы номæй зæрдæбын арфæтæ ракодта Ног азы тыххæй. «Абон ацы гимназы ахуырдзаутæ æмæ педагогон коллектив сæмбырд сты, цæмæй кадджын уавæры сбæрæг кæной Ног азы æрбацыд. Мæ бон афтæ зæгъын у, æмæ гимназы ахуыргæнджыты къухы ис нæ сывæллæтты рæсугъд фидæн. Æнæниз ут, хъару æмæ быхсондзинадæй æххæст! Ахуырдзаутæн та мæ зæрдæ зæгъы æнтыстдзинæдтæ, зонындзинæдтæ. Алайнаг гимназ у республикæйы ахуырады ног фæрнæйдзаг къахдзæф æмæ зæрдæ дарæм, ардыгæй хорз ахуыргонд, хæрзæгъдау адæймæгтæ кæй рацæудзæн, уыдон ирон ныхас æмæ культурæ адæммæ кæй хæсдзысты, Ирыстон сæрыстыр кæмæй уыдзæнис, ахæмтæ», — загъта Хицауады Сæрдар. Уый фæстæ та гимназы 40 хъомылгæнинаджы Тускъаты Таймуразы къухæй райстой диссаджы лæвæрттæ. Сабитæ бацæттæ кодтой бирæ рæсугъд æмдзæвгæтæ æмæ зарджытæ ирон æвзагыл, æмæ сæ арæхстдзинад равдыстой.

РЦИ-Аланийы Сæргълæууæг æмæ РЦИ-Аланийы Хицауады пресс-службæ

 

 

 

 

 

ОСТАВЬТЕ ОТВЕТ

Please enter your comment!
Please enter your name here