Чингуыты дунеон боны кадӕн

0
156

 

Зындгонд куыд у, афтӕмӕй ӕрвылаз 23 апрелы бӕрӕггонд цӕуы Чингуыты дунеон бон. Уыцы бӕрӕгбоны кадӕн ивгъуыд хуыцаубоны РЦИ-Аланийы Мыхуыры хъуыддӕгтӕ ӕмӕ дзыллон коммуникациты комитеты хъӕппӕрисӕй Дзӕуджыхъӕуы арӕзт ӕрцыд акци «Воскресный книжный уголок».

 

Мадзалмӕ се ‘ргом раздӕхтой ӕмӕ дзы зӕрдиагӕй архайдтой Цӕгат Ирыстоны Культурӕйы министрад ӕмӕ Дзӕуджыхъӕуы бынӕттон хиуынаффӕйады администрацийы минӕвӕрттӕ дӕр.

Хуыцаубоны Сабырдзинады проспектмӕ чи саккаг кодта, уыцы адӕмы размӕ сӕ продукци рахастой цӕгатирыстойнаг рауагъдӕдтӕ «Ир», «Респект», «СЭМ» ӕмӕ «Терские ведомости», литературон-аивадон журналтӕ «Мах дуг», «Дарьял», «Ирӕф» ӕмӕ «Ногдзау»-ы редакцитӕ. Мадзалы зӕрдиагӕй архайдтой Хуссар Ирыстоны Информаци ӕмӕ мыхуыры хъуыддӕгты паддзахадон комитет ӕмӕ хуссарирыстойнаг рауагъдӕдтӕ дӕр. Ӕмткӕй райсгӕйӕ, уыцы бон тӕрхӕджытыл цы алыхуызон чингуытӕ равӕрдтой, уыдоны иумӕйаг нымӕц 2 минӕй фылдӕр уыд. Уыимӕ, мыхуырон продукци уӕйгонд цыд асламдӕр аргъӕй.

Чингуыты армукъайӕ уӕлдай акцийы программӕйы уыд ӕндӕр цымыдисаг ӕмӕ хиирхӕфсӕн мадзӕлттӕ дӕр — конкурстӕ, викторинӕтӕ, лотерея, равдыстытӕ…

Бӕрӕгӕбон сӕ архайдӕй барӕсугъд кодтой Цӕгат Ирыстоны Тӕбӕхсӕуты Балойы номыл Ирон академион театры артисттӕ ӕмӕ Культурӕйы колледжы студенттӕ, сывӕллӕтты театралон-музыкалон студи «Синяя птица».

Фембӕлд гом кӕнгӕйӕ, РЦИ-Аланийы Мыхуыры хъуыддӕгтӕ ӕмӕ дзыллон коммуникациты комитеты сӕрдар Фидараты Юри йӕ раныхасы куыд фӕнысан кодта, афтӕмӕй ацы бӕрӕгбоны сӕйраг нысан у адӕмы ӕргом чиныгмӕ раздахын, рӕзгӕ фӕлтӕры зӕрдӕты зонындзинӕдтӕм тырнындзинад гуырын кӕнын.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here