Дзыллон зиумӕ рацыдысты

0
283

 

 

Ивгъуыд сабаты, куыд ӕппӕт Уӕрӕсе, афтӕ Цӕгат Ирыстон дӕр архайдта эко- логон акци «Зеленая весна»-йы. Уыцы бон фӕлгонцады зиумӕ Цӕгат Ирыстоны рацыд 40 мин адӕймаджы бӕрц.

Сыгъдӕгдзинады акцийы архайдтой РЦИ-Аланийы Сӕргълӕууӕг Битарты Вячеслав, Дзӕуджыхъӕуы бынӕттон хиуынаффӕйады администрацийы сӕргълӕууӕг Ӕлбегаты Барис, хицаудзинады паддзахадон оргӕнтӕ ӕмӕ муниципалон кусӕндӕтты, ахуыргӕнӕндӕтты, куыстуӕттӕ ӕмӕ организациты минӕвӕрттӕ. Зиуы зӕрдиагӕй чи архайдта, уыдонимӕ уыдысты ӕхсӕнадон змӕлд «Иры Стыр Ныхас»-ы уӕнгтӕ дӕр.

Уыцы бон Дзӕуджыхъӕуы уынгтӕ ӕмӕ иннӕ дзыллон бынӕттӕ ӕфснайынмӕ рацыд 8 мин адӕймагӕй фылдӕр. Сӕрмагонд службӕтӕ сын ӕххуысӕн радих кодтой алыхуызон техникӕйы 50 иуӕджы. Зиууӕттӕ бафснайдтой дендрарийы, Намысы аллеяйы, терренкур «Нӕртон»-ы территоритӕ, базылдысты ӕндӕр бынӕттӕм дӕр. Разамонӕг компаниты минӕвӕрттӕ та бынӕттон цӕрджытимӕ ӕфснайдтой бирӕфатерон хӕдзӕртты кӕртытӕ. Ӕмӕ кӕд уыцы бон Мӕздӕг ӕмӕ Дигорайы къӕвдатӕ рауарыд, уӕддӕр, зиууӕтты куыст нӕ фӕкъуылымпы, рагагъоммӕ цы бынӕттӕ снысан кодтой, уыдон сыгъдӕггонд ӕрцыдысты. Зӕгъӕм, Рахизфарсы районы та дзыллон бынӕтты фӕлгонцадон куыстытӕй уӕлдай асыгъдӕг кодтой дыууӕ бырондоны.

Ӕхсӕнадон змӕлд «Иры Стыр Ныхас»-ы уӕнгтӕ Кучиты Русланы разамындӕй бафснайдтой, Терчы былгӕрӕтты цы фӕлладуадзӕн бынӕттӕ ис, уыдон. Экологон зиуы архайыны фарстайыл «Иры Стыр Ныхас»-ы координацион совет ӕрӕджы ӕрдзырдта, ӕмӕ йӕ уӕнгтӕ ӕмхъӕлӕсӕй уынаффӕ рахастой, цӕмӕй архайой ахӕм ахсджиаг социалон акцийы.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here