Программӕ ӕххӕстгӕнгӕйӕ

0
149

 

Ацы аз программӕ «Доступная среда»-йы ӕххӕсткӕнынады фӕткмӕ гӕсгӕ аст цӕгатирыстойнаг ахуыргӕнӕндоны хъӕугӕ кусӕнгӕрзтӕй кӕй сифтонг кӕндзысты, уый фӕрцы рӕзты хицӕндзинӕдтимӕ сывӕллӕттӕн уыдзӕн хӕрзхъӕд ахуырад райсыны фадат (хуымӕтӕджы скъолатӕм ахӕм сывӕллӕтты радтын кӕй фӕнды, афӕдзӕй- афӕдзмӕ уыцы цӕгатирыстойнаг ныййарджыты нымӕц фылдӕрӕй- фылдӕр кӕй кӕны, уӕлдайдӕр та уый нымайгӕйӕ).

Ӕртӕ азы размӕ Дзӕуджыхъӕуы 1-ӕм скъола пайда кӕнын райдыдта ахуырады инклюзивон хуызӕй. Ам ахуыр кӕнынц, иннӕтӕй фылдӕр ӕргом здахын кӕмӕ хъӕуы, 6 ахӕм сывӕллоны. Скъолайы уӕвыны рӕстӕг ацы сывӕллӕттӕй алкӕмӕн дӕр ӕххуыс кӕны сӕрмагонд ахуыргӕнӕг-тьютор. Кӕй зӕгъын ӕй хъӕуы, алы сывӕллон дӕр скъолайы ахуырады фӕткӕн нӕ бафӕразы. Ацы ахуырдзаутӕ уайтагъд бафӕллайынц. Сывӕллӕттӕ сӕ фӕллад кӕм фӕуадзынц ӕмӕ ахуыргӕнджытимӕ хицӕнӕй кӕм фӕархайынц, скъолайы ис ахӕм хицӕн кусӕнуат.

— Алайнаг гимназ байгом кӕнынмӕ куы хъавыдыстӕм, уӕд, ӕнӕниздзинады цыбыргонд гӕнӕнтимӕ сывӕллӕттӕ кӕм фӕахуыр кӕнынц, аразджытӕ уыцы кълас сӕхи хардзӕй бындуронӕй сцалцӕг кодтой. Ахуыргӕнӕндоны разамынд кусӕнуат нывыл уавӕры дарыныл архайы, — зӕгъы Цӕгат Ирыстоны ахуырад ӕмӕ наукӕйы министр Иринӕ Азимова.

Психологтӕ ӕмӕ логопед кӕимӕ кусынц, уыцы сывӕллӕттӕн скъолайы ӕппӕтвӕрсыг ӕххуыс кӕнынц. Ӕнӕниздзинады цыбыргонд гӕнӕнтимӕ сывӕллӕттӕ се ‘мцахъхъӕнтимӕ фидауынц.

— Хуымӕтӕджы ахуыргӕнӕндоны уӕвыны ӕууӕл сӕрмагонд сывӕллӕтты социалон рӕзтыл хорзӕрдӕм ахады. Скъоладзауты иумӕйаг ахуырадӕн дарддӕр дӕр уавӕртӕ араздзыстӕм. Ӕнӕниздзинады цыбыргонд гӕнӕнтимӕ сывӕллӕттӕ скъолайы уӕвынӕй цӕмӕй ма тыхсой, ууыл архайӕм, — загъта министр.

Фарон республикӕйы 14 ахуыргӕнӕндоны баххӕст кодтой программӕ «Доступная среда»-мӕ гӕсгӕ архитектурон удӕнцойдзинадӕн фадӕттӕ саразыны фӕдыл мадзӕлттӕ.

ОСТАВЬТЕ ОТВЕТ

Please enter your comment!
Please enter your name here