1 Май — Уалдзӕг ӕмӕ Фӕллойы бӕрӕгбон

0
102

БИТАРТЫ Вячеслав, Республикӕ Цӕгат Ирыстон-Аланийы Сӕргълӕууӕг

Цӕгат Ирыстоны зынаргъ цӕрджытӕ! Уалдзӕг ӕмӕ Фӕллойы бӕрӕгбоны фӕдыл уын кӕнын зӕрдиаг арфӕтӕ! Нӕ егъау бӕстӕйы милуангай цӕрджытӕн Фыццӕгӕм май ӕдзухдӕр уыд уарзон бӕрӕгбон ӕмӕ Уӕрӕсейы историйы баззайдзӕн ӕнӕхъӕн дуджы символӕй. Ацы бӕрӕгбон бӕрӕг кӕнынц дунейы ӕндӕр бӕстӕты дӕр ӕмӕ уымыты дӕр цӕуы кадджын уавӕры, хонынц ӕй Фӕллойгӕнджыты иудзинады дунеон бон. Адӕймаг кӕмфӕнды ма цӕра, цыфӕнды куыстыл хӕст ма уа, уӕддӕр йӕ фӕллой ӕдзухдӕр уыдис кады бынаты. Сӕйрагдӕр у, цӕмӕй фӕллой кӕна зӕрдиагӕй, ӕнкъара, йӕ куыст дзӕгъӕлы кӕй нӕу, ӕмӕ пайда кӕй хӕссы йӕ алфамбылай адӕмӕн, йӕ уарзон зӕххӕн. Мах Цӕгат Ирыстоны уый тынг хорз ӕмбарӕм ӕмӕ уӕлдай аргъ кӕнӕм, йӕ уарзон куысты ӕнтыстытӕ, арӕхстдзинад ӕмӕ стыр курдиат чи ӕвдисы, уыдонӕн. Нӕ республикӕйы цы бирӕ фӕллойадон фӕлтӕртӕ ис, уыдонӕн хуымӕтӕджы нӕ кӕнӕм стыр кад ӕмӕ стыр аргъ. Уӕдӕ Уалдзӕг ӕмӕ Фӕллойы бӕрӕгбон, ӕрдз ногкӕныны нысан, ног хъарутӕй ног хъуыддӕгтӕ аразыны рӕстӕг Ирыстон-Аланийы алы цӕрӕгӕн дӕр хорз зӕрдӕйыуаг дӕттӕг, цӕмӕй алкӕмӕ дӕр фӕзына республикӕйы экономикон ӕмӕ социалон хорздзинӕдтӕ ӕгас Уӕрӕсейы фылдӕр кӕныныл архайыны зондахаст. Фыццӕгӕм Майы хорзӕх дӕ уӕд, Ирыстон, амонд, фарн ӕмӕ бӕрзонд ӕнтыстытӕ мӕ зӕрдӕ зӕгъы уӕ алкӕмӕн дӕр, ме ‘мзӕххонтӕ!

Алексей МАЧНЕВ, Республикӕ Цӕгат Ирыстон-Аланийы Парламенты Сӕрдар

Зынаргъ цӕгатирыстойнӕгтӕ! Зӕрдиаг арфӕтӕ уын кӕнын 1 майы бӕрӕгбоны фӕдыл! Фыццӕгӕм май ӕрмӕст сабырдзинад ӕмӕ фӕллойы символ нӕу, фӕлӕ уалдзӕджы, ногкӕныны, хорз хъуыддӕгтӕм ӕмӕ царды ног бӕрзӕндтӕм тырныны нысан дӕр. Бирӕнацион Ирыстоны уыцы ахсджиаг миниуджытӕ ӕдзухдӕр уыдысты иугӕнӕг ӕмӕ цардаразӕг ӕнкъарӕнтӕ, ӕххуыс кодтой нӕ зынаргъ республикӕйы сӕйрагдӕр хӕстӕ алы къабӕзты дӕр ӕнтыстджынӕй аразынӕн. Уый та уӕлдай ахсджиаг у ацы вазыгджын рӕстӕг. Уӕдӕ нын фыццӕгӕм майы традицитӕ раттӕд нӕ уарзон Ирыстон ӕмӕ тыхджын Уӕрӕсейы хорзӕхӕн сыгъдӕгзӕрдӕ фӕллойы ӕмӕ ногдӕр ныфсдӕттӕг хъарутӕ! Мӕ зӕрдӕ уын зӕгъы фидар ӕнӕниздзинад, бинонты фарн ӕмӕ уалдзыгон зӕрдӕрухсдзинад!

 

ОСТАВЬТЕ ОТВЕТ

Please enter your comment!
Please enter your name here