9 май — Уӕлахизы Уӕлахизы бон

0
66

БИТАРТЫ Вячеслав, РЦИ-Аланийы Сӕргълӕууӕг

Республикӕ Цӕгат Ирыстон-Аланийы кадджын цӕрджытӕ!

Зынаргъ ӕмзӕххонтӕ!

Зӕрдиагӕй уын арфӕ кӕнын Уӕлахизы Боны — бӕстӕйы кадджын бонты ӕмӕ зӕрдылдарӕн цауты азфысты сӕйраг бӕрӕгбоны фӕдыл!

Нӕ Райгуырӕн бӕстӕйы сабырдзинад ӕмӕ хӕдбардзинадмӕ йӕ къух чи систа, адӕймагады уӕвынадӕн тӕссаг кӕмӕй уыд, уыцы фашизмы ныхмӕ ССР Цӕдисы бирӕнацион бинонты ӕхсарджын тохы намысджын замантӕ никуы ферох уыдзысты адӕмӕй, нӕ Фыдыбӕстӕйы историйӕ.

1945 азы 9 Май у, 1418 боны цы Фыдыбӕстӕйы Стыр хӕст фӕцыд, уымӕн кӕрон скӕныны уӕлахизон стъӕлф. Хӕст ахаста милуангай адӕймӕгты цард, фӕивта цалдӕр фӕлтӕры хъысмӕт, уый уыдис уӕззау фӕлварӕн нӕ пад- дзахадӕн, Европӕйӕн ӕмӕ ӕппӕт дунейӕн.

О, Уӕлахизы бон кӕрон скодта фронтты карз тохтӕн, ӕрхаста циндзинад, дӕргъвӕтин хӕст кӕй фӕци, уый тыххӕй, фӕлӕ сӕдӕ хатты фӕфылдӕр зиантыл удты рыст, уымӕн ӕмӕ ахӕм бинонтӕ стӕм уыд, хӕстӕджы зиан кӕуыл не ‘рцыд уыцы тызмӕг азты. Уый тыххӕй ма ис ӕндӕр ном ацы намысджын, адӕм рагӕй кӕмӕ ӕнхъӕлмӕ кастысты, уыцы бонӕн — цӕссыгтимӕ бӕрӕгбон…

Ссӕдзӕм ӕнусы дыууиссӕдзӕм азты хӕсты цаутӕ цас дарддӕр цӕуынц ивгъуыдмӕ, уыйас ахадгӕдӕр кӕны хӕстон фӕлтӕры сгуыхтдзинад, Уӕлахизы фӕстӕ чи райгуырд ӕмӕ схъомыл, уыдонӕн се ‘ппӕтӕн дӕр цӕвиттойнаг ӕмӕ фӕзминаг чи сси, уыцы фӕлтӕры сгуыхтдзинад. Хӕсты фӕстӕ чи райгуырд, уыдон се ‘ппӕт дӕр абон цӕрынц, Райгуы- рӕн бӕстӕ чи бахъахъхъӕдта ӕмӕ ссӕрибар кодта, уыцы салдӕтты лӕгдзинад, фӕразондзинад ӕмӕ ӕхсардзинады фӕрцы.

Уӕззау фӕлварӕн ӕмӕ стыр фыдбылызы хос уыдис Фыдыбӕстӕйы Стыр хӕст Цӕгат Ирыстоны цӕрджытӕн дӕр. Республикӕйы 100 мин цӕрӕджы бӕрц ацыдысты фронтмӕ ӕмӕ се ‘мбис сӕ хӕдзӕрттӕм нал ссыдысты. Не ‘мзӕххонтӕй бирӕты хъӕбатырдзинад бӕрӕггонд ӕрцыд бӕрзонд паддзахадон хӕрзиуджытӕй ӕмӕ ӕфсӕддон цинтӕй, зыны мемориалтӕй, обелисктӕй ӕмӕ цыртдзӕвӕнтӕй, чингуытӕй ӕмӕ хӕстон мысинӕгтӕй, романтӕй ӕмӕ ӕмдзӕвгӕтӕй.

Фӕлӕ сӕйрагдӕр — уый сӕ удты ӕмӕ зӕрдӕты бахъахъхъӕдтой ӕмдугонтӕ, арфӕйӕгты чи нӕ рох кӕны, уыдон. Уыцы ӕргомзӕрдӕ ӕнкъарӕнтимӕ уыдон рахӕсдзысты сӕ фыдӕлты ӕмӕ хӕстӕджыты портреттӕ ӕмӕ къамтӕ, ныридӕгӕн традицион чи сси, уыцы «ӕнӕмӕлгӕ полчъы» сконды, ног тынд дидинтӕ сӕвӕрдзысты хъӕбатырты кадӕн ингӕнтӕ ӕмӕ цыртдзӕвӕнтыл ӕмӕ радон хатт сӕмбӕлдзысты Уӕлахизы Боныл, кӕцыйӕн йӕ хъӕбатыртӕ, чи аивгъуыдта, уыдон дӕр ӕмӕ удӕгӕстӕ дӕр сты махӕн нӕ ӕнусон сӕрыстырдзинад ӕмӕ намыс.

Бӕрӕгбоны хорзӕх уӕ уӕд, ӕмзӕххонтӕ, Уӕлахизы Боны хорзӕх! Сабырдзинад ӕмӕ фӕрныгад уӕ хай, дидинӕг кал, нӕ райгуырӕн республикӕ!

 

 

Алексей МАЧНЕВ, РЦИ-Аланийы Парламенты Сӕрдар

Республикӕйы зынаргъ цӕрджытӕ!

9 Май у, Фыдыбӕстӕйы Стыр хӕсты фашизмыл чи фӕуӕлахиз, уыцы адӕмы Намысы бон. Ацы бӕрӕгбоныл мах не ‘ппӕт дӕр ӕмбӕлӕм сӕрмагонд ӕнкъарӕнимӕ — сӕрыстыр стӕм, Райгуырӕн бӕстӕ чи бахъахъхъӕдта, уыцы адӕмы лӕгдзинадӕй ӕмӕ дис кӕнӕм йӕ хъӕбатырдзинадыл.

Мах кӕддӕриддӕр арфӕйаг уыдзыстӕм фронтовиктӕй ӕмӕ фӕсчъылдымы фӕллойгӕнджытӕй, уыдон фӕуӕлахиз сты знагыл тызмӕг хӕстон азты. Фӕлтӕр ивы фӕлтӕры, фӕлӕ мысыны ӕууӕл баззайы — рӕстӕгӕн йӕ бон нӕу уӕлахиздзау адӕмы сгуыхтдзинады стыр ахадындзинад ӕрныллӕг кӕнын. Мысыны ӕууӕл у Фыдыбӕстӕмӕ уарзондзинады суадон, ӕххуыс у тыхджын уӕвынӕн, фӕуӕлахиз уӕвынӕн.

Дзӕуджыхъӕумӕ ӕрбацӕуӕнты цыдис карз тохтӕ, нӕ республикӕйы сӕйраг горӕт сси ӕцӕг ӕнӕбасӕтгӕ фидар, знаджы размӕбырст чи баурӕдта, ахӕм. Мах никуы ферох кӕндзыстӕм, Дзӕуджыхъӕу чи бахъахъхъӕдта, стыр хӕстон ӕхсар ӕмӕ хъӕбатырдзинад чи равдыста, уыдоны сгуыхтдзинад.

Ирыстоны алы бинонтӕ дӕр стыр диссаджы хӕзнайау ӕфснайдӕй дарынц хӕстон ордентӕ ӕмӕ майдантӕ, къамтӕ ӕмӕ фыстӕджытӕ фронтӕй. Алы бинонтӕн дӕр ис, кӕй ӕрӕмысой ӕмӕ кӕмӕн арфӕ кӕной царды, сабырдзинад ӕмӕ сӕрибардзинады тыххӕй, ахӕм. ӕмӕ абон, Уӕлахизы 73 азы бӕрӕг кӕнгӕйӕ, мах ногӕй ӕрлӕудзыстӕм «ӕнӕмӕлгӕ полчъы» рӕнхъыты, цӕмӕй кад скӕнӕм, нӕ цытджын бӕстӕйы тыххӕй чи хӕцыд, уыдонӕн се ‘ппӕтӕн дӕр.

Зынаргъ ветерантӕ, бузныг сымахӕн, фидӕны фӕлтӕрты, Райгуырӕн бӕстӕйы сӕраппонд стыр сгуыхтдзинады тыххӕй! Сымах уӕлахиздзинад ӕмӕ фӕразондзинад, ӕхсар ӕмӕ уды фидардзинад, уӕ ныфс кӕддӕриддӕр уыдзысты патриотизмы ӕцӕг дӕнцӕг. Нӕ сӕрӕй уын ныллӕг кувӕм, ӕнусон намыс хъӕбатыртӕн.

Бӕрӕгбоны хорзӕх уӕ уӕд, мӕ зынаргъ ӕмзӕххонтӕ! Цытджын Уӕлахизы Боны хорзӕх!

ОСТАВЬТЕ ОТВЕТ

Please enter your comment!
Please enter your name here