Дугътæ — Уæлахизы боны кадæн

0
62

Беслæны ипподромы, хуыцаубоны 13 майы, адæмæй къах бавæрæн нал уыд. Уыцы æрбацыд дзурæг у, Ирыстоны раздæрау бæхылбадыны дæсныдзинадæн адæм стыр аргъ кæй кæнынц, ууыл.

Дугътæ конд æрцыдысты Фыдыбæстæйы Стыр хæсты Уæлахизы Боны кадæн.

Ипподроммæ æрбацæуæг адæм æмæ ерысты архайджытæн зæрдиаг арфæтæ ракодтой РЦИ-Аланийы Сæргълæууæг Битарты Вячеслав, Хуссар Ирыстоны Президент Бибылты Анатоли, хæсты ветеран Сабеты Виктор. Уый йæ раныхасы загъта: «Мах, Фыдыбæстæйы Стыр хæсты архайджытæ, зæрдиаг арфæ кæнæм нæ кæстæртæн, нæ бæстæйы æмæ республикæйы сæргълæуджытæн, махмæ цы цæст дарут, уый тыххæй. Æз сæрыстыр дæн, Уæрæсейы, нæ Ирыстоны кæй цæрын, уымæй. Амондджынæй цæрут!» Бæрæгбон сæ аивадæй срæсугъд кодтой нæ республикæйы зындгонд артисттæ æмæ аивадон ансамбльтæ.

Дугътæ уыдысты æвæджиауы цымыдисаг. Æдæппæт арæзт æрцыд фараст дугъы. Фыццаг уыди ССР Цæдисы Дыууæ хатты Хъæбатыр Плиты Иссæйы номыл, дыккагæй ссардтой нæ иннæ таурæгъон хъæбатыр Мамсыраты Хаджумары ном. Мамсыраты Хаджумары номыл дугъы фæуæлахиз уæвæг барæг Казбек Хамизовæн йæ рамбулæггаг лæвар радта Фыдыбæстæйы хæсты архайæг, 98- аздзыд Мамсыраты Ислам. Сæйраг дугъ уыди Фыдыбæстæйы Стыр хæсты Уæлахизы 73-æм азы кадæн. Ам фæразæй дугъон бæх Хай Лэйк йæ барæг — Шамиль Хатковимæ.

Иу дугъ та уыди, Цæгат Ирыстон фашисттæй уæгъдгонд куы æрцыди, ууыл 75 азы кæй сæххæст, уый номыл. Ацы дугъы разæй уыд дугъон бæх Агафья, йæ барæг — Евгений Тарасов.

Хæстон намысы горæт Дзæуджыхъæуы номыл дугъ та рамбылдта барæг Михаил Мамуров йæ бæх Мистер Гертыл.

Бæрæгбон рауад тынг зæрдæмæдзæугæ.

ОСТАВЬТЕ ОТВЕТ

Please enter your comment!
Please enter your name here