Зынгсирвæзтæй — тæссаг

0
323

Нысантæ “Хъуамæ экономикон æгъдауæй акæнæм барджын къахдзæф” Нæ республикæйы Хицауады Сæрдар ТУСКЪАТЫ Таймураз, куыстуат «ИКС 5 РИТЕЙЛ ГРУПП»-имæ æмгуыстады бадзырд бафысгæйæ, куыд бафиппайдта, афтæмæй федералон ахадындзинадимæ базарадон хыз республикæйы куы фæзына, уæд уый хорз фадат ратдзæн хи продукци уæй кæнынæн. Республикæ Цæгат Ирыстон-Аланийы Сæргълæууæг БИТАРТЫ Вячеслав скодта, раздæр нысангонд чи уыд, ахæм æмбырд. Уым æркастысты цæстдарæг службæты бæрæггæнæн куыстыты фæстæ хицæн базарадон куыстуæтты архайд бауромыны фарстамæ. Архайдтой дзы Сæрмагонд уавæрты министрады РЦИ-Аланийы Сæйраг управленийы разамонæг Александр ХОРУЖИЙ, Хицауады Сæрдары хæдивæг ТОМАЙТЫ Ирбег, амалхъомты бартæ хъахъхъæнæг МЕДОЙТЫ Тимур æмæ барадхъахъхъæнæг оргæнты минæвæрттæ.

Æмбырды агъоммæ тæрхондæтты оргæнты уынаффæмæ гæсгæ базарадон центртæ «Арктикæ», «Глобус», «ЦУМ» æмæ æндæрты куыст урæд æрцыд. Уый фæдыл Республикæйы Сæргълæууæгмæ телефонтæй дзурынц граждæнтæ æмæ хицæн коллективтæй, куыстмæ рацæуынæн сын гæнæн кæй нал ис æмæ уый тыххæй тыхстдзинæдтæ кæй æвзарынц, уыдæтты фæдыл.

Цæстдарæг оргæнтæ сбæрæг кодтой зынгсирвæзты æдасдзинады æгъдæутты бирæ хæлдтытæ. Æмбырды раныхæсты фæстæ куыд рабæрæг, афтæмæй ма ахæм хæлдтытæ цыдысты раздæр, фæлæ бæрæггæнджытæм æххæстбартæ нæ уыдис куыстуæтты-æгъдаухалджыты архайд бауромыны тыххæй. Сæрмагонд уавæрты министрады управленийы службæтæ республикæйы территорийы сбæрæг кодтой 151 объекты, 7 кинотеатры, 23 базарадон центры. Бæрæггонд æрцыд зынгсирвæзты æдасдзинады домæнты 1831 хæлды. Адонæй 224 тæссаг у зынгсирвæзтæй.

Битарты Вячеслав фæнысан кодта:

— Хъуамæ бæрæггæнæн куыстытæ конд цæуой канд фыдбылызы фæстæ нæ, фæлæ иудадзыг. Кæд ацы куыстуæттæ куыстой 20 — 30 азы, æмæ ницы мадзæлттæ арæзтой, уæд кæм уыдысты цæстдарæг оргæнтæ? Цæмæн сæ-иу бауагътой кусын? Мах хъуамæ архайæм иумæ æмæ æмзондæй. Нæ хæс нæу кæцыдæр бизнестæ сæхгæнын, нæ хæс у граждæнты æдасдзинадмæ хъус дарын.

Ахсджиаг фарстайыл ныхас кæныны рæстæг æмбырды фæндон хаст æрцыд, цæмæй базарадон центры æппæт куыст урæд ма цæуа, фæлæ æрмæстдæр хицæн тæссаг хайæдты æмæ амалхъомтæн зынгсирвæзты æгъдæутты хæлдтытæ иуварс кæнынæн æмгъуыд дæттын. Бæрæггæнæн оргæнты размæ та хæс æвæрд æрцыд, адæмы æдасдзинадæн тæссаг кæм уа, ахæм цауты рæстæг афтид ныхæстыл разы нæ кæнын.

Цæстдарæг æмæ барадхъахъхъæнæг оргæнтæн уымæй уæлдай амынд æрцыд уавæр иудадзыг бæрæг кæнын, рагагъоммæйы фиппаинæгтæ куыд æххæстгонд æмæ, зынгсирвæзты æгъдæутты хæлдтытæ куыд иуварсгонд цæуынц, уыдæтты тыххæй та республикæйы Сæргълæууæгæн хъусын кæнын. РЦИ-Аланийы Сæргълæууæджы æмæ РЦИ-Аланийы Хицауады пресс-службæ

ОСТАВЬТЕ ОТВЕТ

Please enter your comment!
Please enter your name here