Сæ зæрдæты хъармæй хистæрты рæвдауынц

0
87

Арæх фехъусæн ис, зæхх, дам, дидинæгæй фидауы, зæгъгæ. Мæнмæ гæсгæ та, зæххы фидауц у, фыццаджыдæр, адæймаг. Мæ хъуыды бафидар кæндзынæн, Цæгат Ирыстоны геронтологон центры цы диссаджы коллектив кусы, уыдоны дæнцæгæй. Ацы æмкусджыты къорды лæмбынæг цæстдард, сæ уды хъæрмдзинад ацæргæ адæммæ бафæзминаг сты бирæ социалон лæггадгæнæн куыстуæтты кусджытæн.

Уæларвмæ куы скæсай, уæд дзы фендзынæ æгæрон бирæ æрттиваг стъалытæ, фæлæ се ‘хсæн уæддæр кæцыдæртæ тынгдæр цæхæр фæкалынц. Ацы центры кусджытæй кæйдæрты абарæн ис ахæм стъалытимæ. Уыдонæй сæ иу у физиотерапийы хайады сæргълæууæг Дзебойты Беллæ. Йæ фæлмæн ныхасæй адæймаджы зæрдæйы дидинæг ракалы. Рынчыны афтæ лæмбынæг æрфæрсы йæ низыхаттæй, æмæ дзы йæ рыст ферох вæййы. Дзæгъæлы нæ фæзæгъынц, рынчыны айдагъ дзыхы ныхасæй дæр адзæбæх кæнæн ис, зæгъгæ.

Куыдфæндыйы цæстæнгасæй нæ кæсы йæ рынчынтæм функционалон диагностикæйы хайады сæргълæууæг, дохтыр Цъæхилты Нинæ дæр. Тынг зæрдиагæй бацагуры, цы хос хуыздæр баххуыс кæндзæн рынчынтæн, уый.

Куыд нæ ис уæлдай аргъ скæнæн фæлтæрдджын Козаты Заремæйы зонындзинæдтæн, цы дзæбæх мадзæлттæ мын снысан кодта, уыдон мæскуыйаг дохтырты хъуыдымæ гæсгæ дæр уыдысты иттæг раст. Бæрнон цæстæй кæсынц рынчынтæм нервыты дохтыр Чсиаты Раисæ, хæрз æрыгон кардиолог Датиты Агуындæ æмæ Хуыгаты Светæ.

Æппæт кусджыты кæм фæнымайдзынæн, фæлæ зæгъдзынæн: “Се ‘ппæт дæр бæрæг дарынц цæстуарзондзинад, хъæрмуддзинадæй, сты хъæздыг миддунейы хицæуттæ”.

Мæ ныхæсты æцæгдзинадæн æвдисæн сты, центры фæндонтæ, хъæстытæ æмæ, арфæты чиныджы сын цы аргъгонд ныхæстæ фыст ис, уыдон.

Ацы Хуыцауыуарзон æгъдауджын æмæ фæрнджын коллективы сæргъы лæууы сæйраг дохтыр Дзуццаты Азæ. Фидарæй зæгъын: йæ бон баци хæрзæгъдау, профессионалон кусджыты иу раст фæндагыл сæвæрын, алкæй дæр дзы рынчынты бæрнон цæстæнгас æмæ медицинон мадзæлттæй рæвдауын.

Царды йæ сæйрагдæр у æнæниздзинад æмæ, уæлдæр кæй кой ракодтон, уыдонæн мæ зæрдæ зæгъы фидар æнæниздзинад. Царды уæ алчидæр амондæй æххæст уæд! Бузныг уын! ЦУЦИТЫ Земфирæ, Сунжæйы хъæуы цæрæг

ОСТАВЬТЕ ОТВЕТ

Please enter your comment!
Please enter your name here