Александр Матовников — Уӕрӕсейы Президенты ӕххӕстбарджын минӕвар Цӕгат Кавказы федералон зылды

0
140

Уӕрӕсейы Президент Владимир Путин знон цы Указ бафыста, уымӕй УФ-йы Хъӕбатыр, инӕлар-лейтенант Александр Матовников нысангонд ӕрцыд Уӕрӕсейы Федерацийы Президенты ӕххӕстбарджын минӕварӕй Цӕгат Кавказы федералон зылды.

Президенты минӕвары бынатӕй Олег Белавенцевы кӕй ссӕрибар кодтой, ууыл дзургӕйӕ, Цӕгат Ирыстоны Сӕргълӕууӕг Битарты Вячеслав фӕнысан кодта:

— Олег Белавенцев зӕрдиагӕй бакуыста Цӕгат Кавказы социалон-экономикон райрӕзтыл, регионы нывылдзинад фидардӕр кӕныныл. Дыууӕ азы дӕргъы ӕнгом ӕмгуыстад кодта Президенты ӕххӕстбарджын минӕваримӕ. Олег Белавенцев иудадзыгдӕр йӕ хъус дардта республикӕйы цардмӕ, рӕдау ӕххуыс нын кодта. Цы ахсджиаг проекттӕ сӕххӕст кӕнын нын бантыст, уыдоны ис Олег Белавенцевы бавӕрӕн дӕр.

Битарты Вячеслав куыд загъта, афтӕмӕй йӕ зӕрдӕ дары, Президенты ног минӕваримӕ дӕр фыццаг бонтӕй фӕстӕмӕ ӕнгом ӕмархайд кӕй райдайдзӕн, ууыл. Цӕгат Ирыстоны Сӕргълӕууӕджы ныхасмӕ гӕсгӕ, ныфс ис, Александр Матовниковы профессионалон дӕсныдзинад ӕмӕ бирӕазон фӕлтӕрддзинад Цӕгат Кавказы федералон зылды социалон-экономикон уавӕр хъомысджындӕр кӕнынӕн ахъаз кӕй уыдзысты, уымӕй.

Уый тыххӕй фехъусын кодта РЦИ-Аланийы Сӕргълӕууӕджы ӕмӕ РЦИ-Аланийы Хицауады пресс-службӕ.

 

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here