Газы фиддонтæ æмæ æндæр фарстатæ

0
87

 

Мæскуыйы кусæг балцы уæвгæйæ, Цæгат Ирыстоны Сæргълæууæг БИТАРТЫ Вячеслав фембæлд акционерон æхсæнад «Газпром»-ы правленийы сæрдар Алексей МИЛЛЕРИМÆ.

Фембæлды рæстæг æргом аздæхтæуыд хардзгонд газы фиддонтæм, республикæйы фæлхасгæнджыты æрдзон артагæй æнæкъуылымпыйæ æфсадынмæ, стæй æмархайды æндæр фарстатæм.

Битарты Вячеслав куыд радзырдта, афтæмæй бæлвырд мадзæлттæ арæзт цæуы хардзгонд газы фиддонты хæстæ фæкъаддæр кæныныл. Æмæ уавæр хуыздæрæрдæм ивы. Зæгъæм, регионалон бюджетон фæлхасгæнджыты фиддонты бæрц схæццæ 115 процентмæ, цæрджыты фиддонты бæрц та — 95 процентмæ. Уыимæ, куыд загъдæуыд, афтæмæй хæсты фылдæр хай хауы, ныртæккæ фæкъуыввитты уавæры чи ис, уыцы организацитæ æмæ куыстуæттæм.

Битарты Вячеслав æмæ Алексей Миллер æрдзырдтой дарддæры æмгуыстады фарстатыл дæр. Зæгъæм, республикæйы æххæстгонд цæудзæн сæрмагонд программæ «Газпром» — детям». Уыцы программæйы фæлгæты Цæгат Ирыстоны цæрæн бынæтты арæзт æрцæудзысты нырыккон спортивон фæзтæ.

 

Фæндаггон хæдзарады райрæзтæн БИТАРТЫ Вячеславæн УФ-йы Хицауады Сæрдары хæдивæг Максим АКИМОВИМÆ цы фембæлд уыд, уым та ныхас рауад республикæйы фæндаггон хæдзарады райрæзтыл.

Сæрмагонд æргом аздæхтæуыд республикон нысаниуæджы фæндæгты нывылдзинадæн уæлæмхасæн федералон фæрæзтæ радих кæныны фарстамæ.

Республикæйы разамонæг Максим Акимовæн куыд радзырдта, афтæмæй ныртæккæ куыст цæуы автомобилон фæндаг «Дзæуджыхъæу — Мæздæг»-ы проект саразыныл. — Ныртæккæ Дзæуджыхъæу æмæ Мæздæджы районы ‘хсæн комкоммæ автомобилон бастдзинад нæй. Уыцы æууæл бирæ къуыхцытæ æвзæрын кæны бынæттон адæмы царды. Мæздæджы районы цæрджытæ уыцы фæндаг саразыны фæдыл бирæ курдиæттæ æрвитынц хицаудзинады паддзахадон æмæ муниципалон оргæнтæм, — фæнысан кодта Цæгат Ирыстоны Сæргълæууæг. Йæ ныхасмæ гæсгæ, фарстамæ федералон центр йе ‘ргом кæй раздахдзæн, ууыл йæ зæрдæ дары.

Фембæлды рæстæг куыд загъдæуыд, афтæмæй ныртæккæ УФ-йы Хицауад цæттæ кæны æдас æмæ хæрзхъæд автомобилон фæндæгтæ аразыны сæрмагонд проект. Бацархайын хъæуы, цæмæй Дзæуджыхъæуæй Мæздæгмæ фæндаджы арæзтад дæр бахæссой уыцы проектмæ. Уыцы хъуыддагыл дарддæр иумæ бакусдзысты федералон центр æмæ республикæ.

Нæ уацхæссæг

ОСТАВЬТЕ ОТВЕТ

Please enter your comment!
Please enter your name here