Арфæ  ХÆДАРЦАТЫ Алиханы фырт Шамилæн

0
63

 

Нæ зынаргъ, нæ уарзон æмæ зондамонæг хистæр Хæдарцаты Шамилыл абон æххæст кæны 86 азы. Уый фæдыл ын нæ зæрдæ зæгъы царды бирæ хæрзтæ, фыццаджыдæр, æнæниздзинад æмæ бинонты амонд, кæстæрты арæхдзинад æмæ дуджы хорзæх!

Шамил райгуырд æмæ йæ сабибонтæ арвыста алæмæты рæсугъд ран — Куырттаты комы. Уæлдæр ахуыры фæстæ бацыд кусынмæ Октябрыхъæуы фæндæгтæаразæн управленимæ, фæстæдæр та куыста Беслæны фæндæгтæ цалцæггæнæн управленийы. Ис æм бирæ арфæйы гæххæттытæ æмæ грамотæтæ йæ хорз куысты тыххæй.

Шамил у уарзон, уæздан адæймаг, бинонтæдарæг, æгъдаухæссæг, лæггадгæнæг у йæ мыггагæн, ирон дзыллæйæн. Йæ удыхай (дзæнæтыбадинаг) Дыдаронимæ схъомыл кодтой хорз цот — æртæ чызджы æмæ уыдоны цоты, уыдонæн дæр ис сывæллæттæ.

Хæдарцаты Шамил ныффыста йæ мыггаджы чиныг, йæ бон цас уыд, уый бæрц æрæмбырд кодта бирæ цымыдисаг æрмæг, афтæмæй.

Уымæй уæлдай ма Шамил цæргæбонты æххуыс кодта хиуæттæн æмæ йын абон мах зæгъæм стыр бузныг йæ рæдау зæрдæ æмæ цæстуарзондзинадæн!

Нæ дзæбæх æмæ буц хистæр, Шамил, стыр арфæйаг у дæ цард! Бирæ азты ма нын уæнгтæрогæй, уарзонæй фæцæр дæ бинонтæ, дæ удæн æхцонхæссæг дзыллæимæ! Цы кæстæртæ дын ис, уыдоны хуртæ æмæ цинтæй бафсæд!

Дæ сæдæ азы сæрты цæстырухсæй, сæрбæрзондæй ракæс!

Лæгты дзуар æмæ Ирыстоны зæдты фæдзæхст у!

Дæ уарзон кæстæртæ, сиæхстæ æмæ дæ бирæ чи уарзы, уыцы ДЫДАРТЫ бинонтæ

 

ОСТАВЬТЕ ОТВЕТ

Please enter your comment!
Please enter your name here