Гæрзифтонг тыхтæм æрсидт

0
52

 

Ацы бонты Республикæ Хуссар Ирыстоны цæуы Гæрзифтонг тыхтæм радон æрсидт. Уый тыххæй информацион агентад «Рес»-ы уацхæссæгæн фехъусын кодтой Хъахъхъæнынады министрады пресс-службæйы

Министрады минæвары ныхасмæ гæсгæ, 18 азæй 27 азы онг кæуыл цæуы, уыцы сидтон фæсивæдæн, фыццаджы-фыццагдæр, сæрмагонд медицинон къамис сбæрæг кæны сæ æнæниздзинады уавæр. Уый фæстæ сидтонтæн иу мæйы æмгъуыдмæ ахуыртæ саразынц Хъахъхъæнынады министрады сæрмагонд центры.

«Уыцы центры специалисттæ фæсивæдæн саразынц райдайæн æфсæддон цæттæдзинады курсытæ», — радзырдта пресс-службæйы минæвар. Лæппуты базонгæ кæнынц Гæрзифтонг тыхты истори æмæ традицитимæ, æфсæддон уставты уагæвæрдтимæ. Кæй зæгъын æй хъæуы, стыр æргом здæхт æрцæуы сидтонты физикон цæттæдзинадмæ дæр.

Æрыгон æфсæддоны курсыты фæстæ фæсивæдæн уыдзæн ардбахæрд. Уый фæстæ се службæ адарддæр кæндзысты Хъахъхъæнынады министрады сæрмагонд ахуырадон ротæйы.

Хъахъхъæнынады министрады пресс-службæйы минæвары ныхасмæ гæсгæ, сидтон къамистæ кусдзысты июлы кæронмæ. Уыимæ, Республикæ Хуссар Ирыстоны æрсидтмæ гæсгæ службæйы æмгъуыд у иу аз.

 Нæ уацхæссæг

ОСТАВЬТЕ ОТВЕТ

Please enter your comment!
Please enter your name here