«Мах дуг» мыхуыр кæны

0
56

Мыхуырæй рацыд журнал «Мах дуджы” ацы азы æвдæм номыр

Скифироны (Тедеты Рюрик) райгуырдыл сæххæст 80 азы. «Рюрикы цардвæндаджы цыбыр зонæнтæ», зæгъгæ, уым поэты тыххæй сæ хъуыдытæ зæгъынц Букуылты Алыкси, Цхуырбаты Иван, Тедеты Авгар, Хъодалаты Герсан. «Мæ рухстаугæ, мæ артуадзгæ зæрдæ», зæгъгæ, иумæйаг сæргонды бынмæ мыхуыргонд цæуынц поэты æмдзæвгæтæ.

Дарддæр мыхуыргонд цæуы Дауыраты Дамиры «Калм æмæ Бирæгъы тыххæй».

Поэт Брытъиаты Аслæнбегыл сæххæст 80 азы. «Мæ рухс цинты авдæн», зæгъгæ, сæргонды бынмæ мыхуыргонд цæуынц йе ‘мдзæвгæтæ.

Астæуккаг æнусты япойнаг легендарон дæсны кæй хуыдтой, уыцы поэт Сайгейы райгуырдыл сæххæст 900 азы.Йæ чиныг «Хæххон халагъуд»-æй ист фондзрæнхъон æмдзæвгæтæ ратæлмац кодта Хъодзаты Æхсар.

Журналы бакæсæн ис Хохойты Энверы æмдзæвгæты цикл «Мæ ирд бæлдæ», Хъæцмæзты Азæйы æмдзæвгæтæ.

Цымыдисаг сты Бырнацты Бароны æцæг хабар «Мортешы чумæдантæ», Джимиты Кларæйы «Темыр æмæ Аминæйы таурæгъ».

Рубрикæ «Мах дуджы» равдыст»-ы сты нывгæнæг Хъесаты Мараты куыстытæ. Рубрикæ «Литературæйы фарстатæ», зæгъгæ, уый бынмæ — Дыгъуызты Тенгизы «Дыууæ ныхасы Хаджийы тыххæй».

Рубрикæ «Бинонты фарн»-ы бынмæ — Легкойты Георгийы «Зындзинæдтæй æхсыст бинонтæ».

Журналы «Арвистон» хъæздыг у алыхуызон æрмæджытæй.

АБАЙТЫ Куыцыкк

ОСТАВЬТЕ ОТВЕТ

Please enter your comment!
Please enter your name here