Æртыккаг премии  

0
137

Фабио Мастранджелойы разамындæй оркестр «Северная симфония» кæй равдыста, уыцы мидисджын концертæй Петербурджы ахицæн, зындгонд оперон зарæггæнæг, Советон Цæдисы адæмон артист Георг Отсы номыл 2-æм дунеон музыкалон фестиваль-конкурс.

Петербурджы Культурæйы комитеты æххуысæй кæй сарæзтой, уыцы конкурсы уæрæсейæгтæй фæстæмæ архайдтой Азербайджанæй, Белорусси, Герман, Казахстан, Польшæ, Эстони, Украинæ æмæ Эквадорæй æрбацæуæг зарæггæнджытæ (æдæппæт — 77 адæймаджы).

Итайлаг агентад «Ин арт менеджмент»-ы оперон агент Лука Тарджетти кæй сæргъы лæууыд, конкурсы уыцы жюрийы уæнгтæ уыдысты Берлины Немыцаг оперæйы директор Кристоф Сойферл, Кельны оперæйы аивадон разамонæг Мартин Франк, «ТАСТ Интернейшнл Арт Менеджмент»-ы оперон агент Алекс Григорьев (иууылдæр — Германæй), эстойнаг Тартуйы театр «Ванемуйне»- йы музыкалон разамонæг Пауль Мяги, голландиаг кастинг-уынаффæгæнæг Кристиан Карлштедт æмæ норвегиаг Ослойы Национ оперæ æмæ балеты кастинг-уынаффæгæнæг Изабель Мерфи.

Æрмæст 11 конкурсанты кæй кæронбæттæнмæ рацыдысты, зарæггæнджыты уыцы вазыгджын ерысты æртыккаг преми саккаг кодтой Петербурджы Марияйы театры Æрыгон оперон зарæггæнджыты академийы зарæггæнæг Цыбырты Шотайæн. Цыбыры-фырт архайы канд Марияйы театры æвдыст спектакльтæ æмæ концертты нæ, фæлæ алыхуызон дунеон оперон конкурсты дæр. Дзæуджыхъæуы Гергиты Валерийы номыл аивæдты колледжы ахуыргæнæг Хестанты Неллийы кълас æмæ Петербурджы Н. Римский-Корсаковы номыл консерватори кастфæуæг Цыбырты Шота у фарон æмæ ацы аз Дзæуджыхъæуы æмæ Петербурджы арæзт оперон зарæггæнджыты дунеон конкурсты лауреат.

 

ПЛИТЫ З

ОСТАВЬТЕ ОТВЕТ

Please enter your comment!
Please enter your name here