Фыранкты нымæц сбирæ кæнынæн

0
103

 

 

Национ парк «Алани»-мæ фыранкты кæй рауагътой, уый кадæн Цæгат Ирыстоны Сæргълæууæг БИТАРТЫ Вячеслав архайдта ацы сырдты фæдты бронзæ æвдисæнтæ сæвæрыны фæдыл акцийы. Дзæуджыхъæуы Инæлар Плийы-фырты уынджы Цæнгæт хиды раз фæдты цыппæрдæс æвдисæны нымад сты комплексон скульптурон композици «Возрождение леопардов на Кавказе»-йы хайыл. Кавказаг фыранкты нымæцыл кæй æфты, ууыл дзурæг «фæдтæ» алырдæмты цæудзысты.

Фæдты фыццаг æвдисæн сæвæрдта Битарты Вячеслав. Битарыфыртæй фæстæмæ кадджын æмбырды архайдтой Уæрæсейы Президенты цур Цæгат Ирыстоны Æххæстбарджын минæвар Дзанайты Барис, РЦИ-Аланийы æрдзон авналæнтæ æмæ экологийы министр Мамиаты Чермен, Уæрæсейы Наукæты академийы А. Северцовы номыл экологи æмæ эволюцийы фарстаты институты директор Вячеслав Рожнов, Хъæддаг æрдзы æппæтдунеон фонды директор Игорь Честин, æрдзхъахъхъæнæг «Центр природы Кавказа»-йы генералон директоры хæдивæг Наталья Вавилова, Мæскуыйы зоопарчы фосы сæйраг дохтыр Михаил Альшинецкий æмæ æндæртæ.

— Фыранктæ сæ раздæры цæрæн бынæтты цæмæй ногæй фæзыной, хъæдмæ сæ рауадзгæйæ, ууыл архайæм. Ацы сырдтæ ирыстойнаг æрдзыл кæй сахуыр уыдзысты, ууыл зæрдæ дарæм. Национ зондахаст кæй æндидзы, уымæн æвдисæнтæ стæм. Незаманты алайнаг гербыл кæй ныв уыд, уыцы фыранк Ирыстоны хæхтæм кæй æрбаздæхт, уымæн ис стыр ахадындзинад, — ныхас кæнгæйæ, загъта Битары-фырт. Фæстæдæр республикæйы Сæргълæууæг архайдта Терчы былгæрон скульптурон композици «Возвращение леопардов на Кавказ» гом кæныны фæдыл кадджын æмбырды.

— Не ‘вæджиауы хъæддаг уавæрты цæрынц сырдты стæм хуызтæ. Æппæт гæнæнтæй сырдты бахъахъхъæныныл бацархайдзыстæм. Сырдтæ нæм цæмæй æрбаздæхой, ууыл бацархайæг специалисттæн — бузныг, — загъта Битарты Вячеслав.

Раззагазиаг фыранктæ Эльбрус æмæ Волна нымад уыдзысты Цæгат Ирыстоны ацы сырдты ног фæлтæры бындурæвæрджытыл. Фыранктæ райгуырдысты, 2009 азы арæзт Сырдты нымæц фылдæргæнæн центры. Дыууæ азы дæргъы фыранкты ахуыр кодтой хæдбарæй цæрыныл. Сырдты кæдæм рауагътой, уыцы Национ парк «Алани»-мæ адæмы цæрæн бынæттæ хæстæг нæй. Уымæй уæлдай, фыранктæ цуан кæуыл кæндзысты, амынд парчы территорийыл цæрынц бирæ ахæм цæрæгойтæ.

— Фыранктæ раздæр кæм цардысты, ахæм бынатмæ сæ ногæй æрбаластам дунейы фыццаг хатт. Ацы сырдтæ ахуыр кæуыл сты, Цæгат Ирыстон ахæм æрдзон уавæртæ хорз бахъахъхъæдта. Фыранктæ ахуыр кæуыл нæма сты, адæммæ уыцы Национ парчы территоримæ рæстæгмæ бацæуыны бар нæ уыдзæн. Сырдтæ ног бынатыл кæй сахуыр уыдзысты, æмæ сын рæхджы лæппынтæ кæй фæзындзæн, ууыл зæрдæ дарæм. 2020 азы Цæгат Ирыстонмæ ногæй кæй æрбарвитдзыстæм, Сырдты нымæц фылдæргæнæн центры разынд ахæм фыранктæ, — загъта В. Рожнов.

Раззагазиаг фыранкты нымæц Кавказы сбирæ кæныны фæдыл программæ Сочийы Национ парчы, Кавказы фæдзæхст бынаты, Хъæддаг æрдзы æппæтдунеон фонды, Мæскуыйы зоопарчы, Кавказы Æрдзы центры, Æрдз хъахъхъæнынады дунеон цæдис æмæ Зоопаркты европæйаг цæдисы æххуысæй æххæст кæны Уæрæсейы Æрдзон авналæнты министрад.

РЦИ-Аланийы Сæргълæууæджы æмæ РЦИ-Аланийы Хицауады пресс-службæ

ОСТАВЬТЕ ОТВЕТ

Please enter your comment!
Please enter your name here