Майдан «Ирыстоны намысæн» — Баскаты Уырызмæгæн

0
150

 

 

Æфсæнвæндаджы кусджыты кадæн Зындгонд куыд у, афтæмæй 3 августы уыд Æфсæнвæндаджы кусджыты профессионалон бæрæгбон. Уыцы боны кадæн æмбырд уыд Дзæуджыхъæуы вагæттæ цалцæггæнæн заводы. Зындгонд журналист актер æмæ режиссер, «Рæстдзинад»-ы хистæр уацхæссæг БАСКАТЫ Уырызмæгыл сæххæст 75 азы. Уыцы цауы фæдыл æмæ Цæгат Ирыстоны журналистикæйы райрæзтмæ стыр бавæрæны тыххæй Цæгат Ирыстоны Сæргълæууæджы Указæй Баскайы-фыртæн лæвæрд æрцыд майдан «Ирыстоны намысæн».

Республикæйы разамонæг Битарты Вячеслав юбилярæн арфæ ракодта сæ фембæлды рæстæг. «Дæ бирæвæрсыг курдиатæй ды хорз зындгонд дæ Ирыстоны цæрджытæн, де сфæлдыстадон архайдæн не ‘мзæххонтæ стыр аргъ кæнынц. Театралон сценæ æмæ кинойы цы ирд фæлгонцтæ сарæзтай, уыдон фæндаг ссардтой цалдæр фæлтæры минæвæртты зæрдæтæм. Нæ адæмы культурон удварнмæ стыр æвæрæн бахастай», — йæ арфæйы ныхасы фæнысан кодта Битарты Вячеслав.

Цæгат Ирыстоны Сæргълæууæг йе ‘ргом сæрмагондæй аздæхта, спортивон журналистикæйы Баскаты Уырызмæджы къухы цы æнтыстдзинæдтæ бафтыд, уыдонмæ дæр. «Ирыстойнаг спортсменты уæлахизты тыххæй хабæрттæ, фыццаджы-фыццагдæр, дæуæй базонæм», — бафиппайдта Битары-фырт.

Баскаты Уырызмæг республикæйы Сæргълæууæгæн бузныг загъта, ахæм бæрзонд хæрзиуæг ын кæй саккаг кодтой, уый тыххæй. Юбиляры ныхасмæ гæсгæ, йæ азтæ æппындæр нæ хаты, дарддæр дæр фæллой кæны йæ равзæрст дæсныйады.

Нæ уацхæссæг

ОСТАВЬТЕ ОТВЕТ

Please enter your comment!
Please enter your name here