Августы цаутæ рох не сты

0
69

 

2008 азы августы гуырдзиаг æфсæдтæ Цхинвалмæ куы æрбабырстой æмæ сабырцæрæг адæмы сæ райгуырæн бынатæй фæсурыныл куы бацархайдтой, уæдæй рацыд дæс азы. Уыцы цаутимæ бастæй алыхуызон номарæн мадзæлттæ ацы бонты цыдысты, куыд Хуссар Ирыстоны, афтæ Цæгат Ирыстоны дæр

Уыдонæй иу уыд акци «Номарæн цырагъ». Цæгат Ирыстоны Фæсивæды хъуыддæгты фæдыл комитеты хъæппæрисæй кæй сарæзтой, уыцы мадзалы архайджытæ 8 августы изæрæй æрбамбырд сты Дзæуджыхъæуы Сыгъдæг Георгийы аргъуаны цурмæ.

Фæсивæдон æмæ æндæр æхсæнадон организациты минæвæрттæ, хицаудзинады оргæнты бæрнон кусджытæ æмæ горæты цæрджытæ æрымысыдысты, 2008 азы августы æвирхъау цауты рæстæг чи фæмард, уыцы æнаххос сабырцæрæг адæм æмæ Фыдыбæстæйы сæраппонд йæ цард чи радта, уыцы хъæбатырты рухс нæмттæ.

«Уыцы цаутæ махæй рох никуы уыдзысты. Нæ комитет æрвылаз дæр аразы ацы номарæн акци — уымæй мах æвдисææм не ‘мзæрдæдзинад нæ хуссайраг æфсымæртимæ»,— фæнысан кодта фæсивæды хъуыддæгты фæдыл комитеты сæрдары хæдивæг Бекъойты Аслан.

Нæ уацхæссæ

ОСТАВЬТЕ ОТВЕТ

Please enter your comment!
Please enter your name here