Кавказы адæмты национ уæлæдарæс

0
13

 

Цæгат Ирыстоны Промышленность æмæ транспорты министрад æрмдæсны Годжыцаты Изольдæйы хуыд национ этнографион уæлæдарæсты коллекци «Новое время древнего искусства» бавдыста литературæ æмæ аивады къабазы Хетæгкаты Къостайы номыл паддзахадон премимæ.

Изольдæ йыл куыста 15 азы дæргъы. Коллекцимæ хауынц канд ирон нæ, фæлæ Цæгат Кавка-зы æндæр адæмыхæттыты уæлæдарæстæ дæр. Археологион къахыны куыстыты заман кæй ссардтой, алайнаг фæлыстытæ арæзт æрцыдысты уыцы уæлæдарæсы хахнывтæм гæсгæ, хæрдгæхуыд æмæ XIX æнусы рæсугъдгæнæнтæй пайда кæнгæйæ. Амæй размæ коллекци æнтыстджынæй æвдыстой къорд æппæтуæрæсеон æмæ дунеон фестивалы.

— Уæлæдарæсы коллекци арæзт кæй æрцыд, уый дзурæг у Годжыцаты Изольдæйы æнтыстджын куыстыл. Куыстмæ æвзыгъд æрмдæсны сылгоймаг национ фæлысты аивдзинадмæ стыр æргом кæй здахы, уый нымайгæйæ, преми дæттыны фæдыл къамисмæ барвыстам Изольдæйы тыххæй курдиат. Мæ хъуыдымæ гæсгæ, Изольдæ канд ирон нæ, фæлæ Кавказы иннæ адæмты культурæйы рæзтмæ дæр бахаста аккаг æвæрæн, — загъта министрады сæргълæууæг Хайдарбек Бутов.

Аннæ КАТОЛЬЯНЦ

ОСТАВЬТЕ ОТВЕТ

Please enter your comment!
Please enter your name here