Арфæтæ æмæ хæрзиуджытæ — тренертæ æмæ спортивон скъолаты ахуыргæнджытæн

0
103

Ивгъуыд сабаты Физкультурничы боны кадæн РЦИ-Аланийы Хицауады Сæрдар ТУСКЪАТЫ Таймураз цы æмбырд сарæзта, уым паддзахадон хæрзиуджытæй схорзæхджын кодтой РЦИ-Аланийы спортивон скъолаты хуыздæр ахуыргæнджытæ æмæ тренерты.

Тускъайы-фырт номдзыд спортсменты хъомылгæнджытæн арфæ ракодта сæ профессионалон бæрæгбоны фæдыл æмæ сын бузныг загъта сæ зæрдиаг куысты тыххæй. «Цæгат Ирыстоны физикон культурæ æмæ спорты райрæзтмæ сымахæй алчидæр аккаг бавæрæн хæссы», — йæ раныхасы фæнысан кодта премьер-министр.

Цæгат Ирыстоны Сæргълæууæджы Указæй спорты райрæзтмæ стыр бавæрæны тыххæй майдан «Ирыстоны намысæн» лæвæрд æрцыд дзюдойæ олимпаг резервты спортивон скъолайы тренер Лолаты Темырсолтанæн.

Физикон культурæ æмæ спорты къабазы сгуыхтдзинæдты тыххæй кадджын ном «РЦИ-Аланийы физикон культурæ æмæ спорты сгуыхт кусæг» саккаг кодтой: уæгъдибар хъæбысхæстæй олимпаг резервты спортивон скъолайы тренертæ Гулчиты Витали æмæ Санаты Георгийæн, Æрæфы районы Лескены хъæуы астæуккаг скъолайы физикон культурæйы ахуыргæнæг Хъамболты Арсенæн, Уæгъдибар хъæбысхæстæй Сывæллæтты 1-æм спортивон скъолайы тренер Кокойты Таймуразæн, уæгъдибар хъæбысхæстæй Сывæллæтты республикон спортивон скъолайы тренер Тыбылты Цезарæн, волейболæй Сывæллæтты спортивон скъолайы тренер Цæрикъаты Таймуразæн.

Физикон культурæйы къабазы зæрдиаг куысты тыххæй РЦИ-Аланийы Кады грамотæ радтой: дзюдойæ олимпаг резервты спортивон скъолайы тренер Айларты Ирбег æмæ РЦИ-Аланийы Спортивон цæттæдзинады центры директоры хæдивæг Мзокты Феликсæн.

УФ-йы Спорты министрады риуылдаргæ нысан «Физикон культурæ æмæ спорты къабазы сгуыхтдзинæдты тыххæй» саккаг кодтой: футболæй олимпаг резервты спортивон скъола «СпартакАлания»-йы хистæр методист Дауиаты Зураб æмæ Уæгъдибар хъæбысхæстæй Сывæллæтты 1- æм спортивон скъолайы тренер Лалыты Георгийæн.

Уый тыххæй фехъусын кодта РЦИ-Аланийы Сæргълæууæджы æмæ РЦИ-Аланийы Хицауады пресс-службæ

ОСТАВЬТЕ ОТВЕТ

Please enter your comment!
Please enter your name here